გაეცანი იდეებს მეტი ჩვენზე გამჭვირვალობა
ENG | ARM | GEO | AZ

WETALK – ახალგაზრდული პლატფორმა

Matchfunded by USAID 10,000 GEL

1/2

კამპანიის შინაარსი

WE’TALK ახალგაზრდული პლატფორმაა, რომელიც მოგვითხრობს ამბებს ახალგაზრდების შესახებ. იდეებს, ისტორიებსა და გამოცდილებებს, რომლებიც მომავალში ახალგაზრდებისთვის მოტივაციისა და შთაგონების წყაროდ იქცევა. ჩვენ ახალგაზრდები ვართ, თბილისში ვცხოვრობთ და აქაურ, ურბანულ ცხოვრების სწრაფ ტემპს მივყვებით, ხშირად ისე ხდება არ/ვერ ვამჩნევთ რა ხდება ჩვენი სოციუმის გარეთ, ხანდახან იმასაც კი ვერ ვაკვირდებით რა სირთულეებისა და გამოწვევის წინაშე დგანან ჩვენს გვერდით მჯდომი კლასელები, ჯგუფელები, მეგობრები თუ თანამშრომელები. გამოცდილებამ გვაჩვენა და დაგვარწმუნა, რომ ერთი შეხედვით ბანალურიც და მარტივიც რამ გვაკლია - საუბარი. საუბარი გამოცდილებებზე, ჩვენს ისტორიებზე, ამბებზე, სირთულეებზე, მიღწევებზე, აღტაცებაზე, ინტერესებზე, შექმნაზე, დანგრევაზე და ახლიდან აშენებაზე, სიყვარულზე, თავისუფლებაზე, შეგრძნებებზე და ყველაფერ იმაზე, რაც ჩვენი ცხოვრების ნაწილია, მნიშვნელოვანი და დასაფასებელია. ჩვენი მიზნის მისაღწევად, თქვენი მხარდაჭერა გვჭირდება. იმისთვის, რომ ვისაუბროთ, გაგაცნოთ ახალგაზრდები, მათი ისტორიები, ბლოგები თუ ჩანახატები, შევქმნათ საინტერესო სტატიები, დავამსხვრიოთ სტერეოტიპები, გავაზიაროთ შესაძლებლობები და ყველაფერი, რაც ახალგაზრდებზეა და ახალგაზრდებისთვისაა გვჭირდება ვებ-გვერდი და ტექნიკური აღჭურვილობა. გვჯერა, რომ დაგვეხმარებით ჩვენი დიდი მიზნის მიღწევაში და შევძლებთ, ერთად გავაჟღეროთ ახალგაზრდების ხმა. ხო, კიდევ რაც აუცილებლად უნდა გითხრათ, არ დავივიწყებთ თითოეულ მხარდამჭერს და ვეცდებით ისე გაგაბედნიეროთ, როგორც თქვენ გაგვაბედნიერებთ ჩვენი ყველაზე საყვარელი საქმის დაფასებით! დიდი სიყვარულით, WE’TALK