შევუქმნათ ბიბლიოთეკა ვერონელ ბავშვებს

კამპანიის შინაარსი

საგარეჯოს რაიონში, გომბორის უღენტეხილთან ახლოს მდებარეობს სოფელი ვერონა. ვერონაში ამჟამდ სულ 10 ბავშვი ცხოვრობს. სოფელში არ არის სკოლა, არ არის ბიბლიოთეკა. სწავლობენ გომბორის საჯარო სკოლაში, რომელიც კილომეტრებით არის დაშორებული ვერონიდან. რაც შეეხება ბიბლიოთეკას , ვთვლი რომ სოფელ ვერონას საკუთარი ბიბლიოთეკა უნდა ჰქონდეს. ზაფხულის არდადეგები, თითქმის მთელი სამი თვე, რაც ყველაზე ხელსაყრელი პერიოდია კითხვისთვის და არაფორმალური განათლების მიღებისთვის დაკარგულია ვერონელი ბავშვებისთვის. ამ დროს ვერ სარგებლობენ სკოლის ბიბლიოთეკით. მთელ ზაფხულს ატარებენ ვერონაში , სადაც მოკლებულნი არიან საკითხავ ლიტერატურას და სხვა განმავითარებელ რესურსებს. არიან მრავალშვილიანი ოჯახები და საკუთაერი ფინასებით ყველა ასაკის ლიტერატურის შეძენა რა თქმა უნდა მათთვის რთულია. ერთი წლის წინ წამოვიწყე წიგნების შეგროვების კამპანია, რაც წარამატებით განვახორციელე. შეგროვდა გარკვეული რაოდენობა წიგნების, რომლებიც შემოგვწირეს კერძო ადამიანებმა, ასევე წიგნების გარკვეულ რაოდენობას დაგვპირდა მწერალთა კავშრი და გიორგი კეკელიძე. თუმცა ვერონაში არ არის არანაირი ფართი, შენობა, სადაც შევძლებ წიგნების მოთავსებას. ამ შემთხვევაში გამოსავალს ვხედავთ საცხოვრებელი კონტეინერის ტიპის ოთახის შეძენაში , რომელიც დაიგმება სოფელ ვერონაში და შიგ განთავსდება ჩემს მიერ შეგროვებული წიგნები და მოეწყობა პატარა სამკითხველო სივრცე.