მთების სონატა

კამპანიის შინაარსი

მოგესალმებით ზვიად მუსელიანი ლენტეხიდან. ჩვენს მხარეში ხელოვნება,განსაკუთრებით კი ფოლკლორი ძალიან პოპულარულია და იშვიათად თუ მოიძებნება ოჯახი,რომელშიც ტრადიციულად არ გადმოეცემა თაობიდან თაობას ტრადიციული მუსიკა.მეც ბავშვობიდან ვარ ჩართული ხალხური სიმღერისა და ცეკვის ფერხულში.ფოლკლორის პარალელურად დაბა ლენტეხში არსებობს მუსიკალური სკოლა,რომელშიც ბავშვები ეუფლებიან სოლფეჯიოს და ფორტეპიანოზე დაკვრას.მუსიკალურ სკოლას ყავს პროფესიონალი პედაგობები. პრობლემა მდგომარეობს იმაში, რომ მუსიკალურ სკოლაში სიარულს ახერხებენ ძირითადად მხოლოდ დაბის და იქვე მდებარე სოფლების ბავშვები. ხოლო შორეული სოფლებიდან, განსაკუთრებით კი ორი - ჩოლურისა და ლაშხეთის თემის ბავშვებს მანძილის სიშორიდან გამომდინარე, ვერ ეძლევათ საშუალება იარონ და დაეუფლონ მუსიკას აკადემიური მიმართულებით,თუმცა გალობა და ფოლკლორის მიმართულებით ამას ვერ ვიტყვით, რადგან პედაგოგები თავად დადიან სოფლებში.ჩოლურის და ლაშხეთის თემში არცერთ საჯარო სკოლაში თუ კლუბში ფორტეპიანოც კი არ დგას. პროექტის ფარგლებში, ჩემი მიზანია, ზემოთხსენებულ სოფლების სკოლებში დაიდგას თითო ფორტეპიანო.ჩოლურის და ლაშხეთის თემში არის 6 საჯარო სკოლა და შესაბამისად გვჭირდება 6 ფორტეპიანოს შეძენა. ჩემი მიზანია, სოფლებშივე გაუჩნდეთ ბავშვებს ხელმისაწვდომობა მიიღონ განათლება, თუნდაც საწყის ეტაპზე სოლფეჯიოს და ფორტეპიანოს დაკვრის საფუძვლების, ჩოლურის თემში შემიძლია გარკვეული მუსიკალური საფუძვლები თავად ვასწავლო,რადგან ამ თემში ისედაც ვასწავლი გალობასა და ხალხურ სიმღერას, ხოლო ლაშხეთის თემში ანალოგიურად შეუძლია იგივე ჩემნაირად მივლენილ პედაგოგს. ვფიქრობ, რომ ხელოვნება ის სულიერი საზრდოა,რომელიც ბავშვს შემდგომში ღირსეულ მოქალაქედ აყალიბებს.ყველა ბავშვს თანაბრად აქვს უფლება დაეფლოს მუსიკას და აღმოაჩინოს მისი სონატა.