კრეატიული სივრცე წილკანში

კამპანიის შინაარსი

2021 წლიდან სოფელ წილკანში აქტიურად ვანხორციელებთ ახალგაზრდულ საქმიანობას, თუმცა ყოველთვის გვქონდა სივრცის პრობლება სადაც ადგილობრივი ახალგაზრდები შეიკრიბებიან, ჩაერთვებიან არაფორმალური განათლების პროცესში, განივითარებენ კომპეტენციებს და განახორციელებენ ახალგაზრდულ ინიციატივებს. სწორედ ამიტომ, ჩვენი კლუბის ახალგაზრდების ინიციატივით, გვინდა შევქმნათ ახალგაზრდული ცენტრი „კრეატიული ოთახი“ რომელიც იქნება პროფესიონალი ახალგაზრდული მუშაკებით, მენტორებით, ქოუჩებით და საერთაშორისო გამოცდილების მქონე ახალგაზრდული ლიდერებით დაკომპლექტებული არაფორმალური სასწავლო გარემო, თანასწორობისა და თანამშრომლობის პრინციპებზე დაფუძნებული, რომელიც ახალგაზრდებს მისცემს შესაძლებლობას გახდნენ არაფორმალური განათლების პროცესის ნაწილი, განივითარონ კომპეტენციები და ჩაერთონ ახალგაზრდულ აქტივობებში. იქნება მათ ინტერესებსა და საჭიროებებზე ორიენტირებული და დაეხმარება მათ პოტენციალის სრულად გამოვლენაში. რის შედეგადაც ჩვენი ახალგაზრდები შეძლებენ პიროვნული, პროფესიული, სამეწარმეო და ციფრული კომპეტენციების განვითარებას. სწორედ ამიტომ ადგილობრივი თემის და თქვენი მხარდაჭერით, ჩვენი ახალგაზრდული ორგანიზაციის გუნდის ჩართულობით და მუნიციპალიტეტთან შეთანხმებით გვინდა შევქმნათ ახალგაზრდული სივრცე რომელიც განთავსდება სოფელ წილკანში არსებულ ყოფილი ამბულატორიის შენობაში, რომელიც რემონტს და აღჭურვას საჭიროებს. გვინდა ეს სივრცე იყოს ადგილი სადაც ახალგაზრდები მათი თავისუფალი დროის დიდ ნაწილს გაატარებენ, სადაც საკუთარი უნარების და ინტერესების აღმოჩენას და განვითარებას შეძლებენ. რა დახვდებათ ახალგაზრდებს ჩვენ სივრცეში: • სერთიფიცირებული ახალგაზრდული მუშაკი რომელიც ახალგაზრდებს პიროვნული უნარების განვითარებაში დაეხმარება. განახორციელებს ცენტრზე დაფუძნებულ ახალგაზრდულ საქმიანობას და უზრუნველყოფს ახალგაზრდებისთვის უსაფრთხო გარემოს შექმნას. • მენტორი რომელიც ახალგაზრდებს მეწარმეობის კომპეტენციების განვითარებაში, ინოვაციური იდეების გენერირებასა და პროექტების შექმნაში დაეხმარება • ტექნოლოგიური კლუბი, რომელიც ახალგაზრდებს ციფრული კომპეტენციების განვითარებაში დაეხმარება. შეასწავლის და გააცნობს მათ ინფორმაციას მომავლის პროფესიების შესახებ. • ინდივიდუალური და ჯგუფური ქოუჩინგის სესიები სადაც შეძლებენ განსაზღვრონ ხედვები, შეიმუშაონ სამოქმედო გეგმები და მოახდინონ საკუთარი პოტენციალის მაქსიმალიზება. • თემატური კლუბები, რომელიც ახალგაზრდების ინტერესების მიხედვით იქნება შექმნილი და მათ მიერვე მართული. (მაგ: კინო, წიგნის, გარემოზე ზრუნვის, სპორტული და სხვა)