კამპანიის შინაარსი
გარეგარე - ბუნებრივი თამაშის ცენტრის მიზანია გააერთიანოს გარე განათლების მხარდამჭერი მექანიზმები, როგორიცაა ინკლუზიური, გარე განმავითარებელი სათამაშო მოედანი და გარე ბაღის კონცეფცია ერთად.
გამომდინარე იქიდან, რომ ადრეულ გარე განათლებაში, პირველი ტყის ბაღის "ბუნებარეს" ავტორი და დამფუძნებელი გახლავართ საქართველოში, გამაჩნია წარმატებული პროექტის მართვის გამოცდილება, გარეგარეს შექმნა აუცილებლად გააჩენს დამატებით შესაძლებლობას ბავშვთა გარე განათლების გაძლიერების კუთხით.
ბუნებარეს ტყის ბაღი მხოლოდ ნახევარი განაკვეთით მუშაობს, ვინაიდან საჯარო სივრცეში ვიმყოფებით. შესაბამისად, მდგრადი გარემოს შექმნა ინვენტარიზაციის და სათამაშო მოედნების უზრუნველყოფის მხრივ შეუძლებელია. თუმცა ბუნებარეს გუნდი მაქსიმუმს ვაკეთებთ და პრეცენდენტებს ვქმნით ალტერნატიული პედაგოგიკის მიმართულებით, ამიტომ ყოველდღე ვაშენებთ და ვშლით სათამაშო მოედნებს, რათა ბავშვებს ყველა მხრივ ჰოლისტური განვითარების შესაძლებლობები მივცეთ. ცალკეული მშობლებისთვის სირთულეს წარმოადგენს 4-5 საათიანი გრაფიკი, რის გამოც ბევრი ვერ სარგებლობს ბუნებარეს უნიკალური პროგრამით. ამ მიზნით მივიღეთ გადაწყვეტილება პარალელურად დავამატოთ კერძო სივრცე, სადაც გარეგარე იფუნქციონირებს დილიდან საღამომდე გრაფიკით და მივცემთ ოჯახებს საშუალებას, ჩაერთონ ბუნებრივი განვითარების ცენტრში. შესაბამისად, ეს გაზრდის ჩვენი მომხმარებლების რაოდენობას არჩევითობით: ვისთვის ტყის ბაღში, ბუნებარეში იქნება სივრცე, ნაწილისთვის გარეგარეს სივრცე მისცემს საზოგადოებას ჯანსაღი გარე განათლების მიღების ყველა პირობას.
ტყის პედაგოგიკის პარალულურად ბუნებრივი თამაში ცენტრის არსებობა ამავდროულად კონკურენტული იქნება მდგრადი განათლების, მწვანე ბიზნესის და მაღალი სოციალური პასუხისმგებლობის მიმართულებით, რომელიც გარე განათლებას დამატებით მხარდაჭერას გაუწევს.
გარეგარეს პროექტი დავიწყეთ ჩვენი სახსრებით, ერთადერთი ამ გარემოს განმავითარებელი და დამფინანსებელი არის ბუნებარეს ბიუჯეტი. აქედან გამომდინარე ბუნებრივი თამაშის ცენტრის სრულყოფილად მოწყობა მხოლოდ ჩვენი სახსრებით - აღმოჩნდა გამოწვევა, რისთვისაც ჩვენს გუნდს გვესაჭიროება საზოგადოების თანადგომა, რათა ასევე საზოგადოებამ მოკლე ვადაში მიიღოს ჩვენგანვე სივრცე, რომელსაც დიდი ხანია ელოდებიან ჩვენი გუნდისგან.
რა არის გარე ბაღის კონცეფცია?
ბუნებარეს მსგავსად, გარე ბაღი არის სივრცე, სადაც ბავშვები მუდმივად გარეთ, ბუნებრივ სივრცეში იმყოფებიან. განსხვავება ისაა, რომ ტყის ბაღში ნახევარ განაკვეთზე მიმდინარეობს სწავლა, გარე ბაღის შემთხვევაში კი, დილიდან საღამომდე.
პროგრამა იფუნქციონირებს იმავე ღირებულებებზე, რა ღირებულებებსაც ბუნებარე და გარე განათლების სივრცეები იყენებენ მსოფლიოში, თამაშით სწავლებასა და მულტისენსორულ გარემოს მაქსიმალურად გამოყენებაზე, რისი მიზანიცაა ნებისმიერ ბავშვთან ჰოლისტური განვითარება.
რადგანაც Ბავშვებს გამორჩეულად უყვართ გარეთ თამაში, მაგრამ შესაძლებლობები ამის განხორციელებისთვის სულ უფრო მცირდება დიდ ქალაქებში, გარეგარეს სივრცე დაიტვირთება ამ საჭიროების უზრუნველყოფით.
ასეთი სათამაშო მოედნის შექმნის “ოქრის წესი” მდგომარეობს შემდეგში : წარმატებული სათამაშო მოედანი ქმნის თამაშის ღირებულების მაქსიმუმს, ყველა ბავშვისთვის.
იგი ასევე კარს უღებს ბავშვთა დღის ცენტრებს, თერაპევტებს და სპეციალისტებს, რომლებსაც შეეძლებათ თანადამხმარე სივრცედ გამოიყენოს აუტისტური სპექტის მქონე თუ სხვადასხვა საჭიროების მქონე ბავშვებისთვის ოკუპაციური განვითარების მხრივ.
ბუნებრივი თამაშის ცენტრი სათამაშო მოედნის დიზაინში აერთიანებს შემდეგ კომპონენტებს:
Მდგრადი სათამაშო მოედანი (Sustainable playground)
Მდგრადი სათამაშო მოედანი ემსახურება მდგრადი რესურსების გამოყენებას: ორგანული (ხეები, ყვავილები), გადამუშავებული ან გამოუყენებელი რესურსები, მიზნობრიობის გარეშე. Ჯამში მსგავსი მიდგომა ხელს უწყობს 3 გზის გაერთიანებას: ეკონომიკური, გარემოსდაცვითი და სოციალური იდეის გაძლიერებას.
ინკლუზიური სათამაშო მოედანი (Inclusive playground):
ინკლუზიური სათამაშო მოედანი გვთავაზობს სენსორულად მრავალფეროვან გარემოს, რაც ხელს უწყობს ბავშვებს განვითარდნენ ფიზიკურად, სოციალურად და ემოციურად. Მსგავსი ჩართულობის სივრცე უზრუნველყოფს შესაძლებლობებიდან გამომდინარე თამაშს, რომელიც სხვადასხვა საჭიროებებზე და ინტერესზეა მორგებული.
Სენსორული უნივერსალური სათამოშო მოედანი (Sensory Universal playground)
სენსორული სათამაშო მოედნის უნივერსალური ხასიათი საშუალებას აძლევს და აძლიერებს საზოგადოების თანაბარმნიშვნელიანობას, სოციალურად ჯანსაღ დამოკიდებულებსბ და განვითარების თანაბარ შესაძლებლობებს, სადაც ყველას შეუძლია თამაში, სწავლა და განვითარება ერთად.
უნივერსალური სენსორული სათამაშო მოედნის არსებობა სთავაზობს მშობლებს, დააკმაყოფილოს მრავალფეროვანი მოთხოვნილებები ბავშვების ჯანსაღი და მდგრადი განვითარების მიღწევისთვის.
აღსაზრდელებისთვის გარემოში გათვალისწინებულია სველი წერტილი, ოკუპაციურად განმავითარებელი მრავალფუნქციური სივრცეები, დასაძინებელ-დასასვენებელი სივრცე (სპეც კარავი), საკოცონე ადგილი, თავშეყრის, სენსორული აქტივობების, პერმაკულტურის არეალი, ფიზიკური გამოწვევების, საცოცი კედლების, ტალახის სამზარეულოს, სასადილოსა და მუსიკის კუთხის სივრცეები.
გარეგარე მიისწრაფვის შექმნას პრინციპები წარმოსახვითი, ინოვაციური და სტიმულაციური სათამაშო სივრცისთვის, რაც გარე განათლებაში კიდევ ერთ ბუნებრივი თამაშის ცენტრს შექმნის ბუნებარესთან ერთად.
გახდი ალტერნატიული განათლების თანამონაწილე ყველაზე ბუნებრივი ბავშვობისთვის!
თამარა ჩაკვეტაძე - ბუნებარეს ტყის ბაღის დამფუძნებელი; გარეგარეს იდეის ავტორი და დამფუძნებელი;
ერეკლე სოსელია - გარეგარეს პროექტის თანადამფუძნებელი.
