შექმენი ლაბორატორია ლენტეხელი ბავშვებისთვის

კამპანიის შინაარსი

სოფელ ხოფურში სკოლა წარმოადგენს ერთადერთ კულტურულ-საგანმანათლებლო და სოციალიზაციის ადგილს, თუმცა სამწუხაროდ სკოლის ახლანდელი მდგომარეობა ვერ აკმაყოფილებს იმ მოთხოვნებს, რომლებიც მოსწავლეებს გააჩნიათ, სასწავლო რესურსების უქონლობის გამო. ხოფურის სკოლის მოსწავლეები დაინტერესებული არიან საბუნებისმეტყველო საგნებით, აინტერესებთ ქიმია, ფიზიკა და ბილოგია, უნდათ იცოდნენ ყველაფერი ამ საგნების შესახებ, ამისთვის კი მხოლოდ თეორიული ცოდნა არ არის საკმარისი, საჭიროა პრაქტიკული გაკვეთილები, თუმცა ლაბორატორიის არ არსებობის გამო, შეუძლებელია ცდებისა, ექსპერიმენტეის და შემეცნებითი სამუშაობის ჩატარება. მასწავლებლებს ხომ განსაკუთრებული მისია გვაკისრია,ჩვენ საფუძველი უნდა ჩავუყაროთ არა მარტო, ამა თუ, იმ საგნის ფუნდამენტურ ცოდნას არამედ, იმასაც,რომ მოსწავლეთათვის სწავლა მეტად საინტერესო და სახალისო გავხადოთ. ეს პროექტი ჩვენი შესაძლებლობაა გავხადოთ საბუნებისმეტყველო საგნების სწავლება უფრო სახალისო და მოსწავლეებმა თეორიული ცოდნა პრაქტიკაში გამოიყენონ, რათა უფრო განიმტკიცონ ის.