გაეცანი იდეებს მეტი ჩვენზე გამჭვირვალობა
ENG | ARM | GEO | AZ

თეატრი ცვლილებებისთვის

Matchfunded by USAID 10,000 GEL

1/1

კამპანიის შინაარსი

თეატრი ცვლილებებისთვის ახალგაზრდების შემოქმედებითი თვითრეალიზაციის ხელშემწყობი სივრცეებისა და სერვისების სიმცირე ქალაქ რუსთავში მნიშვნელოვან გამოწვევას წარმოადგენს. ჩვენმა ინტერესმა საკითხის მიმართ გვიბიძგა თეატრის, როგორც სინთეზური ხელოვნების ხელახალი გააზრებისკენ. თეატრი ყოველთვის ცდილობდა ყოფილიყო სარკე, რომელშიც საზოგადოება დაინახავდა საკუთარ ანარეკლს.. მაგრამ წარმოიდგინეთ თეატრი, სადაც საზოგადოება თავად ქმნის ხელოვნებას და გვიყვება საკუთარ ამბავს...   ჩვენი მიზანია შევქმნათ ახალგაზრდული სამოყვარულო თეატრი: სადაც ნებისმიერ ახალგაზრდას ექნება შესაძლებლობა გახდეს შემოქმედი; სადაც ხელოვნება კომუნიკაციის საშუალებაა და გუნდურობა აუცილებელი პირობა წარმატებისთვის; სადაც ახალგაზრდები ერთმანეთს აღმოაჩენენ და ერთად მოძებნიან პრობლემების გადაჭრის გზებს; სადაც თითოეული პიესა იქმნება ახალგაზრდების შთაგონებით და უშუალო მონაწილეობით; სადაც სპექტაკლი ახალგაზარდების შემოქმედებითი პასუხია გამოწვევებზე;ჩვენ ვქმნით თეატრს ცვლილებებისთვის!ჩვენი დასი უკვე აერთიანებს 35 მოყვარულ არტისტს, კამპანია კი მოგვცემს საშუალებას, რომ უფრო მეტ ახალგაზრდას შევთავაზოთ/გავუზიაროთ ეს  შესაძლებლობა. სამიზნე თანხა მთლიანად მიმართული იქნება ტექნიკური აღჭურვილობის (განათების და გახმოვანების აპარატურა) შეძენაზე და შედეგად: გაუმჯობესდება სპექტაკლების მხატვრული იერსახე, შევძლებთ თეატრი გავხადოთ მობილური, რომ ჩვენი გამოცდილება და პროდუქტი გავუზიაროთ სხვა ახალგაზრდებს სხვადასხვა მუნიციპალიტეტებში. გავზარდოთ გაყიდვები, რათა ახალგაზრდების ჩართულობა გავხადოთ ანაზღაურებადი.თითოეული შემომწირველი ჩვენგან მიიღებს ორი ბილეთს საჩუქრად და დიდი სიხარულით დაგელოდებით ჩვენს სპექტაკლებზე! 

წინასწარ გიხდით გულითად მადლობას თეატრალური რევერანსით!