კამპანიის შინაარსი

გეიმ-კინოს  შექმნის იდეა  განსაკუთრებული საჭიორებების მქონე 20 წლის თოკოს, (თორნიკე იაშვილს)  ეკუთნვის. ჩვენს სივრცეში ფილმ: „ბილი ელიოტის“ ნახვის შედეგ,  თოკომ გაგვიზიარა  სურვილი დაგვეპაჟებინა მისი ახლობლები ჩვენს სივრცეში,  ერთად აგვერჩია ფილმი, გვეთამაშა სამაგიდო და ონლაინ თამაშები. რამდენიმე შეხვედრის მოწყობა შევძელით: დავამზადეთ ბილეთები, ბატი-ბუტი, ლიმონათი, მოვიწვიეთ სტუმრები. თუმცა სისტემატიური ხასიათი ამ კინოჩვენებებს ვერ მივეცით, მატერიალური და ადამიანური რესურსის არ ქონის გამო. თოკოსთვის ისევე, როგორც ბევრი მისი ასაკის  შშმ პირისთვის, ძალიან ძნელია მატერიალური და სოციალური დამოუკიდებლობის მიღწევა.  სწორედ ამიტომ გადავწყვიტეთ თოკოს იდეა პროექტად გვექცია, რომელიც არამხოლოდ თოკოს, არამედ სხვა შშმ პირებისთვის სოციალიზაციის და ამასთან ერთად დასაქმების საშუალება იქნება. ხოლო ნებისმიერი სხვა ადამიანისთვის, დროის სასიამოვნოდ და საინტერესოდ გაყვანის შესაძლებლობა. გეიმ-კინო სადაც მასპინძლების პოზიციებზე ძირითადად შშმ პირები იქნებიან დასაქმებული: მიმღები, სივრცის მომწყობი, ბატი-ბუტის, ყავის და ლიმონათის გაკეთებაზე პასუხისმგებელი პირები და რა თქმა უნდა ფილმის გამშვები. სახელი გეიმ-კინოც თოკომ მოიფიქრა, რადგან ფიქრობს, რომ სამაგიდო თამაშისას კიდევ უფრო ადვილია ადამიანების გაცნობა და სამომავლოდ დამეგობრება. პროექტის განსახორციელებლად საჭირო ინვენტარის მცირე ნაწილი ჩვენს ორგანიზაციას  უკვე აქვს, ასევე პროფესიონალები, ვინც შშმ პირებს  საქმის სრულყოფილად შესწავლაში დაეხმარება მზად არიან . თუმცა ჩვენი რესურსის გარდა, იდეის ბოლომდე განხორციელებისთვის გვჭირდება ძალიან მარტივად მოსახმარი შემდეგი ინვენტარი: ბატი-ბუტის აპარატი, ხმის გამაძლიერებლები და სპეციალური სკამები. თქვენი მხარდაჭერით შექმნილი გეიმ-კინო იქნება ინკლუზიური სივრცე, სადაც სხვა და სხვა შესაძლებლობების, სოციალური თუ ეკონომიკური მდგომარეობის ადამიანები შეძლებენ სასიამოვნოდ გაატარონ დრო, გაიცნონ ახალი ადამიანები, გაუზიარონ ინტერესები, მოიფიქრონ ახალი ღონისძიებები და უბრალოდ გაერთონ/ისიამოვნონ ურთიერთობით. დიდი გვქვს,  რომ დროთა განმავლობაში  თოკოს გეიმ-კინო ბევრისთვის საყვარელი ადგილი გახდება.