კამპანიის შინაარსი
1972 წელს ბრაიან კერნიგანი მსოფლიოს ჰუმანური და ტოლერანტული სიტყვებით “Hello World” „გამარჯობა მსოფლიო“ ეხმაურება. ეს არის ყველაზე მარტივი პროგრამული ენის ჩანაწერი, რომელიც მან შემდეგ C პროგრამულ ენაში გამოიყენა. ეს სიტყვები პირველად 50_იანი წლების ამერიკის რადიოს სტუდიიდან გაისმა, რომელიც ალბათ თავის მხრივ გამოხატავდა თანასწორობას მსოფლიო ერების მიმართ და ვფიქრობ, რომ ამ სიგნალმა განვლილ 72 წელში ბევრი რამ შეცვალა. დღეს ეს ფრაზა იცის ყველა დამწყებმა პროგრამისტმა. ეს მარტივი ფრაზა არის კავშირი და შესაძლებლობა, რომ დღეს ჩვენ, ადამიანებს, შეგვიძლია აღმოსავლეთ სანაპიროდან, დასავლეთ სანაპირომდე მივესალმოთ და დავამყაროთ კავშირი ნებისმიერ ადამიანთან, განურჩევლად შეხედულებისა თუ წარმომავლობისა.
კოდი არჩევანის თავისუფლებაა და ის ყველაზე მეტად გამოხატავს ადამიანის ბუნებას. XIX საუკუნემდე ადამაინები აბრეშუმს ხელით ამუშავებდნენ. 1804 წელს კი ჟაკარდის მანქანამ ეს პროცესი მთლიანად შეცვალა, კოდის მეშვეობით დაზგას ნებისმიერი დავალების შესრულება შეეძლო, შესვენების გარეშე. კოდს შეუძლია წესრიგის დამყარება და მშვიდობის მოტანა საზოგადოებისთვის. საინტერესოა ყველა კოდი, რომელმაც შეცვალა სამყარო:
https://slate.com/technology/2019/10/consequential-computer-code-software-history.html და აქედან ერთმა განსაკუთრებული შთაბეჭდილება მოახდინა ჩემზე. ეს არის ბითქოინის, კრიპტო ვალუტის კოდი. ეს არის ჯადოსნული ინტერნეტ ფულის კოდი, რომლის შეზღუდვა ან შეჩერება შეუძლებელია. ეს კოდი ჩემთვის თანასწორობის და მშვიდობის მონუმენტია. ამ კოდმა და მისმა აღმოჩენამ ჩემი პიროვნება მთლიანად შეცვალა. ეს თავგადასავალი 2014 წელს დაიწყო, როდესაც პირველად აღმოვაჩინე მსგავსი გასაოცარი ტექნოლოგია, რომელსაც შეუძლია მსოფლიოს ნებისმიერ წერტილში ადამიანის ცხოვრების უკეთესობისკენ შეცვლა. კოდმა, რომელმაც მასწავლა სიტყვის და გამოხატვის თავისუფლების ფასი, კოდმა, რომელმაც პირადი სივრცის ცნება უფრო ხელშესახები გახადა. ეს არის მშვიდობის კოდი. მსოფლიოში 1.7 მილიარდი ადამიანი ვერ სარგებლობს საბანკო მომსახურეობით. მილიარდამდე ადამიანს არ აქვს სუფთა წყლის ფუფუნება, ხოლო დაახლოებით 3 მილიარდ ადამიანს არასდროს ჰქონია კავშირი ინტერნეტთან. ბითქოინი ცვლის არსებული პოლიტიკის თამაშის წესებს, რომელსაც კოდის დახმარებით შეუძლია სოციალური პრობლემის გადაწყვეტა და მოგვარება. ინტერნეტ ფულის არსებობით, საზოგადოებას კომუნიკაციის შესაძლებლობა უჩნდება. დღეს დედამიწის ორბიტაზე განთავსებული სატელიტებიდან, ხუთს ბითქოინის ქსელი იყენებს იმისთვის, რომ რადიოს დახმარებით ბითქოინის ტრანზაქციები განახორციელოს და ეს ცალკე შესაძლებლობაა იმ 3 მილიარდი ადამიანისთვის, რომლებსაც ჯერ კიდევ ინტერნეტთან წვდომის შესაძლებლობა არ გააჩნიათ. რადიო კავშირის დახმარებით დღეს შესაძლებელია ინტერნეტის გარეშე ბითქოინის გაცემა/მიღება და სწორედ ეს რევოლუციური კოდი არის ის, რომლის შესახებ მინდა გავაგებინო ყველას, მათ შორის ბავშვებს.
მყავს შვილი, რომელსაც ხშირად ვესაუბრები ტექნოლოგიების შესახებ და ვუყვები მიმდინარე ამბებს. მან ფულის წარმოშობის და ბითქოინის შესახებ იმაზე მეტი იცის, ვიდრე ჩვენი ქვეყნის მოსახლოების უმრავლესობამ. ერთ დღესაც თვითერზე აღმოვაჩინე წიგნი ბავშვებითვის, რომელიც ბითქოინის შესახებ მოგვითხრობდა. ცხადია არც დავფიქრებულვარ ისე შევიძინე და ეს ნინასთვის გავაკეთე. მერე აღმოვაჩინე, რომ ეს იყო ძალიან ეგოისტური ქმედება და გადავწყვიტე ეს წიგნი სხვა ბავშვებისთვისაც მეთარგმნა.
https://www.facebook.com/nikoloz.museridze/posts/3020510961301637 თუმცა დღემდე ამას ვერ მივაღწიე. 2018-2021 წლებში მე ვიყავი მოძრაობა გავიგუდეთს აქტივისტი. შეგნებულად არ მინდოდა ეს წიგნი პირადად მე მეთარგმნა, რადგან მომწონს ადამიანებთან კომუნიკაცია და გუნდური მუშაობა. რამოდენიმე უიმედო მცდელობის შემდეგ დავნებდი, თუმცა თარგმნის სურვილი არასდროს დამიკარგავს. ამ გადმოსახედიდან ვფიქრობ, რომ იმ წლებში ამის კეთება უბრალოდ შეუძლებელი იყო და სწორედ ამიტომაც ვერ მივიყვანე დაწყებული საქმე ბოლომდე. დღეს ჩემი საქმიანობის მთლიანი დრო ეთმობა კრიპტო ვალუტებს, ტექნოლოგიებს და კოდებს. ეს ჩემი სამუშაო დღის წესრიგია.
პროექტის შესახებ როდესაც გავიგე ვიფიქრე, რომ ამ შანსის ხელიდან გაშვება სისულელე იქნებოდა. წიგნი უკვე ექვს ენაზეა ნათარგნი
https://amzn.to/3v4dmBJ და მაქვს სურვილი მეშვიდე ქართულად იყოს.
