გაეცანი იდეებს მეტი ჩვენზე
ENG | ARM | GEO | AZ

WETALK – երիտասարդական հարթակ

Matchfunded by USAID 10,000 GEL

1/1

კამპანიის შინაარსი

WE'TALK-ը երիտասարդական հարթակ է, որը պատմում է երիտասարդների մասին: Գաղափարներ, պատմություններ և փորձառություններ, որոնք ապագայում մոտիվացիայի և ոգեշնչման աղբյուր կդառնան երիտասարդների համար: Մենք երիտասարդներ ենք, ապրում ենք Թբիլիսիում և հետևում ենք այստեղի քաղաքային կյանքի արագ տեմպերին, հաճախ է պատահում, որ չենք նկատում, թե ինչ է կատարվում մեր հասարակությունից դուրս, երբեմն չենք էլ նկատում, թե ինչ դժվարությունների և մարտահրավերների առաջ են կանգնած մեր դասընկերները, խմբի անդամները, ընկերները կամ գործընկերները:Փորձը մեզ ցույց է տվել և համոզել, որ մեզ պակասում է մի բան, որը կարծես թե սովորական և պարզ է՝ խոսել։ Խոսել փորձառությունների, մեր պատմությունների, նորությունների, դժվարությունների, ձեռքբերումների, հիացմունքի, հետաքրքրությունների, ստեղծագործության, կործանման և վերակառուցման, սիրո, ազատության, զգացմունքների և այն ամենի մասին, ինչը մեր կյանքի մաս է կազմում, կարևոր և գնահատելի է: Մեր նպատակին հասնելու համար մենք ձեր աջակցության կարիքն ունենք։Որպեսզի խոսենք, երիտասարդների հետ ծանոթացնենք, նրանց պատմությունները, բլոգները կամ էսքիզները, ստեղծենք հետաքրքիր հոդվածներ, կոտրենք կարծրատիպեր, կիսվենք հնարավորություններով և այն ամենով, ինչ վերաբերում է երիտասարդներին և երիտասարդների համար է, մեզ անհրաժեշտ է կայքէջ և տեխնիկական սարքավորումներ: Մենք հավատում ենք, որ դուք կօգնեք մեզ հասնել մեր մեծ նպատակին և միասին կկարողանանք բարձրացնել երիտասարդության ձայնը։ Հա, մեկ էլ ինչ պետք է ասել, մենք չենք մոռանա յուրաքանչյուր աջակցի և կփորձենք ուրախացնել ձեզ այնպես, ինչպես դուք եք մեզ ուրախացնում՝ գնահատելով մեր ամենասիրելի աշխատանքը։ Մեծ սիրով, WE’TALK։