შექმენი დმანისში – “შეხვედრის ადგილი”

Campaign content

ასეთია ამბავი, რომელმაც თქვენამდე მოგვიყვანა, თქვენი- მხარდაჭერის, თანადგომის დათანაგანცდის იმედად. ჩვენ, ადამიანები, რომლებიც ყოველდღიურ რუტინაში ვართ გადავარდნილი რამდენად ხშირად ვფიქრობთ იმის შესახებ თუ როგორია ცხოვრება ქალაქის გარეთ?! რა სირთულეები ახლავს რეგიონში ცხოვრებას? რა შესაძლებლობებს ართმევს ადგილობრივ მაცხოვრებლებს არ არსებული კულტურული პროცესები, არ არსებული კულტურული თუ სოციალური სივრცეები… და მაინც, რას ნიშნავს ცხოვრობდე ქალაქიდან მოშორებით?! ერთ შეხედვით, არც ისე შორს, მაგრამ თან ძალიან შორს ყველაფერ იმისგან, რაც განვითარებისთვის, თვითრეალიზებისთვის და თავისუფლების განცდისთვის გჭირდება. ჩვენ გიამბობთ იმ დმანისის შესახებ, სადაც კულტურული პროცესები ხელოვნურად იქნა შეჩერებული, იმ დმანისის შესახებ, სადაც ადამიანებს ერთმანეთის მიმართ გაუცხოება აქვთ, იმ დმანისს შესახებ, რომელსაც არ აქვს სივრცე ადამიანების შეკავშირების, განვითარების და კულტურული მოვლენების შესაქმნელად. უსამართლობის და უმოქმედობის განცდა გახდა ინსპირაცია იმის, რომ პირველად დმანისის ისტორიაში, ხალხის მხარდაჭერით შეიქმნას სივრცე, რომელიც იქნება მულტიფუნქციური და დააბრუნებს კულტურულ პროცესს ჩვენს რეგიონში! “შეხვედრის ადგილი” - ადგილობრივებს და არა მხოლოდ, მოგვცემს ერთმანეთთან საუბრის, შეკავშირების და გაზიარების შესაძლებლობას, ვისაუბრებთ სირთულეებზე, ინტერესებზე, ისტორიებზე, შექმნაზე, დანგრევაზე, მიღწევებზე, წარუმატებლობებზე, სიყვარულზე, თავისუფლებაზე და ყველაფერ იმაზე, რაც აქამდე თქმულა და არ თქმულა. ერთი წელია დმანისში საინტერესო აქტივობებს ვახორციელებთ, გვსურს ჩვენს მუნიციპალიტეტს დავუბრუნოთ ყველაფერი ის, რაც წლების მანძილზე გააჩნდა. სწორედ ამის ფარგლებში მიზნად დავისახეთ ახალი, უნიკალური სივრცის შექმნა, რომელსაც „შეხვედრის ადგილს“ დავარქმევთ. გვაქვს სივრცე, რომლის კეთილმოწყობა და გარდაქმნა გვსურს დმანისელების „შეხვედრის ადგილად“. ამ იდეის განსახორციელებლად მცირედი თანხა უკვე შევაგროვეთ. მაგრამ იმისათვის, რომ იდეა რეალობად ვაქციოთ თქვენი მხარდაჭერა გადამწყვეტია! იმედი გვაქვს, დმანისი შეძლებს ახალ რეალობაში გაღვიძებს, რომელიც სავსე იქნება შესაძლებლობებითა და საინტერესო კულტურული მოვლენებით.

No items found.