აქ როგორ მოვედით, დეფ?

კამპანიის შინაარსი

ვიცი, ვიცი, ბევრი კითხვა გაქვს - სად აქ? ეს დეფი ვინ არის? მე ვინ ვარ და ყველაზე მთავრი - რატომ უნდა დამაფინანსო აქ ანუ დღევანდელ საქართველოში, მძიმე პოლიტიკური კრიზისია, რომლის გადამჭრელიც ჯერ არ გამოჩენილაო იტყვიან, მაგრამ მე პირიქით მგონია - ჩვენ ვართ მაგის გადამჭრელები, უბრალოდ ცოტა მეტი ცოდნა, რაღაცების გააზრება და შეცდომებზე სწავლა გვჭირდება. ხოო, სხვის, მაგრამ რეალურად ჩვენსავე შეცდომებზე. ამისთვის დეფი ვინ არის ნაკლებად, მაგრამ რა შეცდომები დაუშვეს ჩვენმა წინაპრებმა ამის მოსმენა და გააზრება ნამდვილად დაგვჭირდება. ჰოდა, სწორედ ამიტომ გადავწყვიტეთ ისტორიული fuckup-ების პროექტის წამოწყება, Fuckup Nights Tbilisi-სთან პარტნიორობით. პროექტის ფარგლებში ისტორიკოსები როგორც ვიდეო, ისე წერილობითი ფორმატით მოგიყვებიან ისეთ ისტორიულ fuckup-ებს, რომელთა შესახებაც ჯერ არასდროს გსმენია და დაგეხმარებიან საქართველოს უახლესი ისტორიის სწავლა/გადააზრებაში. იმიტომის გვერდზე შეძლებ იხილო 3 ვიდეო, 3 სტატია და 3 პოსტერი ამ თემის ირგვლივ. Პროექტის ბოლოს კი შემაჯამებელი კონფერენცია - Fuckup Night გაიმართება, რომლის ფარგლებშიც კიდევ უფრო ახალ და საინტერესო ისტორიებს მოისმენ. ჩაერთვები დისკუსიაში და შეიქმნი უკეთეს წარმოდგენას იმაზე, თუ რამ განაპირობა ჩვენი დღევანდელობა და რა შეცდომები აღარ უნდა დავუშვათ არასოდეს.