„მწვანე დემონსტრატორები და პრაქტიკული საპილოტე პროექტები ფოთისა და ხობის მუნიციპალიტეტებში”
იდეების კონკურსის მიზანია საზოგადოებაზე ორიენტირებული, პრაქტიკული და განმეორებადი ეკო-მეგობრული გადაწყვეტილებების გამოვლენა და მხარდაჭერა, რომლებიც ხელს შეუწყობს მდგრად განვითარებასა და გარემოსდაცვით ინოვაციებს საპილოტე მუნიციპალიტეტებში.
კონკურსის ფარგლებში შერჩეული იქნება ისეთი იდეები, რომლებიც:
- არის ინოვაციური, პრაქტიკულად განხორციელებადი და ადგილობრივ კონტექსტზე მორგებული;
- ეფუძნება საზოგადოების ჩართულობას და აქვს დემონსტრაციული ხასიათი;
- უზრუნველყოფს ეკო-მეგობრული მიდგომების გამოყენებას და მათი შემდგომი გავრცელების პოტენციალს;
- მოიცავს ცოდნის გაზიარების, შესაძლებლობების გაძლიერებისა და/ან ცნობიერების ამაღლების კომპონენტს.
კონკურსის თემატური მიმართულებები:
ნარჩენების გადამუშავება და რესურსების ეფექტიანი გამოყენება
მაგალითები:
- ორგანული და კვების ნარჩენების კომპოსტირების სისტემები;
- გადამუშავებისა მცირე ჰაბები;
- „ნარჩენიდან ღირებულებამდე“ (waste-to-value) ინიციატივები;
- ნარჩენების სეპარაციისა და შეგროვების პილოტური სისტემები;
- შეკეთებისა და ხელახალი გამოყენების სივრცეები (repair & reuse spaces).
წყლისა და ენერგიის მდგრადი მართვა
მაგალითები:
- წვიმის წყლის შეგროვებისა და ხელახალი გამოყენების სისტემები;
- წყლის დაგროვების მცირე ინფრასტრუქტურა;
- ჭკვიანი სარწყავი ტექნოლოგიები;
- ენერგიის დაგროვების (storage) სისტემები;
- მზის ენერგის გამოყენების ინიციატივები.
მონიტორინგი და ციფრული გადაწყვეტილებები
მაგალითები:
- ჰაერის ხარისხის მონიტორინგის სისტემები და დემონსტრირება;
- ენერგიისა და წყლის მოხმარების ციფრული მონიტორინგი და ვიზუალიზაცია;
- რესურსების მოხმარების მონაცემებზე დაფუძნებული გადაწყვეტილებები.
მწვანე ინფრასტრუქტურა და მობილობა
მაგალითები:
- მწვანე კედლები და სახურავის ბაღები;
- ველობილიკების ან ველოინიციატივების პილოტი;
- ელექტრო ველოსიპედებისა და სკუტერების საერთო გამოყენების სქემები.
ეკო-ტურიზმი და მწვანე ეკონომიკა
მაგალითები:
- მწვანე საოჯახო სასტუმრო / ეკო-ჰოსტელი;
- მდგრადი სასტუმროებისა და რესტორნების საპილოტე გადაწყვეტილებები;
- კლიმატგონივრული სოფლის მეურნეობის (CSA) დემონსტრაციული ფერმები.
განხორციელების არეალი და მონაწილეობის პირობები:
იდეების იმპლემენტაციის ადგილი უნდა იყოს ფოთისა და/ან ხობის მუნიციპალიტეტები, რომლებიც განსაზღვრულია როგორც საპილოტე ტერიტორიები.
კონკურსში მონაწილეობის მიღება შეუძლიათ როგორც ფიზიკურ, ისე იურიდიულ პირებს;
განაცხადის ავტორი არ არის ვალდებული ცხოვრობდეს ფოთისა ან ხობის მუნიციპალიტეტებში;
განაცხადები მიიღება მთელი საქართველოს მასშტაბით, თუმცა იდეის განხორციელება აუცილებლად უნდა იგეგმებოდეს ფოთისა და/ან ხობის მუნიციპალიტეტებში.
კონკურსის ვადები და შერჩევის პროცესი
იდეების მიღება იწარმოებს 2024 წლის 2 თებერვლიდან 2 მარტის ჩათვლით.
სახალხო დაფინანსების (Crowdfunding) პლატფორმაზე-Orbelianimeti.ge ნებისმიერ მსურველს შეუძლია გამოაგზავნოს ინიციატივა (იხილეთ გზამკვლევი: როგორ გამოვაგზავნო იდეა )
კონკურსი ჩატარდება ორეტაპიან ფორმატში.
- პირველ ეტაპზე, შემოსული განაცხადებიდან შეირჩევა 10 საუკეთესო იდეა.
- მეორე ეტაპზე შერჩეული 10 იდეის ავტორები ჟიურის წინაშე წარადგენენ თავიანთი ინიციატივის პრეზენტაციას, რომლის შედეგადაც ჟიური გამოავლენს 5 გამარჯვებულ პროექტს.
დაფინანსების პირობები
- გამარჯვებულმა პროექტებმა პროექტის ბიუჯეტის მინიმუმ 20% უნდა მოიზიდონ სახალხო დაფინანსების პლატფორმის – orbeliani.meti – მეშვეობით.
- სამიზნე თანხის წარმატებით შეგროვების შემთხვევაში, ფონდი დააფინანსებს პროექტის დარჩენილ 80%-ს.
პროექტის მთლიანი ბიუჯეტი არ უნდა აღემატებოდეს 3,500 აშშ დოლარს.
გაითვალისწინეთ, რომ პროექტის განხორციელებისთვის განსაზღვრულია ერთი თვის ვადა.
მნიშვნელოვანი შენიშვნა
- იდეა უნდა იყოს კონკრეტული ქმედებებისა და ინფრასტრუქტურის დემონსტრირება;
- არ მიიღება მხოლოდ ტრენინგებზე ან სემინარებზე დაფუძნებული პროექტები;
- დასაშვებია ცოდნის გაზიარება მხოლოდ იმ შემთხვევაში, თუ იგი მიერთებულია პრაქტიკულ პილოტს ან დემონსტრატორს.