Description
Bu gün şagirdlərə məktəb şəraitində fərqli və maraqlı dərslər təklif etmək asan deyil, ona görə ki, müasir texnologiyalar onlar üçün əlçatandır.Şagird üçün əsas hərəkətverici qüvvə motivasiyadır, ona görə də biz müəllimlər və məktəb rəhbərliyi onlara rəngarəng fəaliyyət və metodlar təklif etməyə çalışırıq, lakin müvafiq resurslar və infrastruktur olmadan bütün şagirdləri maksimal şəkildə təlim prosesinə qoşmaq və onların marağını cəlb etmək çətindir. Bundan başqa, ümumi məktəb yanaşması çərçivəsində məktəb şagirdlərdə demokratik mədəniyyət kompetesiyalarının inkişafına dəstək olur, bu isə məktəb və ya fənn layihələrinin, yay məktəblərinin və düşərgələrin planlaşdırılması və həyata keçirilməsi, müxtəlif istiqamətli məktəb klublarının formalaşdırılması və fəaliyyət göstərməsi deməkdir. Qeyd olunan tədbirlərin həyata keçirilməsi üçün məktəbdə əlavə məkanın yaradılması arzuolunandır. Sizin yardımınız və dəstəyinizlə biz Saçxerenin 3 nömrəli dövlət məktəbinin həyətində rahat, şagirdin ehtiyaclarına uyğunlaşdırılmış və onun ehtiyacları üçün nəzərdə tutulmuş açıq havada sinif otağı yaratmaq istərdik. Hər gün, hər fəsil eyni məkanda olmaq darıxdırıcıdır və bu əhval-ruhiyyə şagirdlərin öyrənməsinə də təsir edir. Ona görə də biz məktəbdə dərslərin keçiriləcəyi, təqdimatların təşkil olunacağı, tədbirlərin keçiriləcəyi, animasiya və ya bədii filmlərin nümayiş olunacağı bir məkan yaratmaq istəyirik. Qeyd edək ki, bu məkandan təkcə məktəbimizin şagird və müəllimləri deyil, digər məktəb və icmaların nümayəndələri də istifadə edəcəklər. Layihəmizin dəstəkçisi “Orbeliani Meti” təşkilatıdır, siz də Saçxere rayon gənclərinin gələcəyini dəyişmək istəyirsinizsə, o zaman dəstəkçimiz olun və ianə edin.
Reviews
There are no reviews yet.