Bilik kafesinin həyətini birlikdə quraq

Description

Biz bilik kafesiyik. Kaxeti bölgəsində yaşayan insanların hər biri üçün çoxfunksiyalı – təhsil, idrak və interaktiv məkanı birləşdirən sosial müəssisə. Biz regionlarda yaşayan bütün insanlara, xüsusən də gənclərə və yaşlı nəslin nümayəndələrinə rəngarəng və dolğun həyat təmin etməyi qarşımıza əsas məqsəd qoymuşuq. Biz bir sıra fəaliyyətlər planlaşdırmışıq və yerinə yetiririk. Bunlar aşağıdakılardır :insanlarla bilik və təcrübə paylaşırıq; biz özünü reallaşdırmağa kömək edirik; sosiallaşmaq və səmərəli vaxt keçirmək imkanı veririk. Bilik kafesini 6 il əvvəl Tsnori şəhərində icarəyə götürdüyümüz məkanda yaratdıq. Biz istəyirdik ki, bu, özü özünə kifayət edən bir məkan olsun Buna görə də bilik kafesinə təhsil funksiyasını , yəni sosial müəssisə funksiyasını əlavə etdik. Aşağıda sadalananları bir məkanda birləşdirdik:Qeyri-formal təhsil mərkəzi, multimedia kitabxanası, kitab mağazası və kiçik kafe. Fəaliyyət göstərdiyi 6 il ərzində Bilik kafesi bir neçə min gəncə və yaşlıya təhsil proqramlarında iştirak etmək imkanı verib. Bu gün Bilik kafesinin öz məkanı varsa, bunu  4,200-dən çox vətəndaşla, tərəfdaşlarımızla və möhtəşəm komanda ilə birlikdə bacardıq, Bilik kafesini birlikdə inşa etdik. Artıq qapı və pəncərələri də yerləşdirmişik, tavanı da quraşdırmışıq. Bu mərhələdə xarici suvaq işlərinə də başlamışıq.Eyni zamanda, biz təmir və avadanlıq üçün vəsait toplayırıq. Düşündük ki, əgər Orbeliani Meti platformasından istifadə edərək idrak məkanı kimi Bilik kafesinin həyətini təşkil edə bilsək möhtəşəm olar. Bilik kafesinin 45 kvadrat metr həyəti var. Bu mərəhələdə həyət faktiki olarq torpaq sahəsidir. Bilik kafesinin həyəti kitab sərgiləri, kiçik marketlər,  qeyri-formal təhsil təlimləri və/və ya “energizerlər” üçün bir yer olacaq. Yuxarıda sadalanan funksiyalardan başqa, Bilik kafesinin qonaqları həyətdə  kofedən həzz ala və hətta qəlyanaltı yeyə biləcəklər. Bilik kafesi üçün ağıllı həyət təşkil etməyə 15-17 min lari lazımdır. Buraya həyət üçün gürcü kərpicinin döşənməsi, həyətin çəpərlənməsi/hasarlanması, işıqlandırma və drenajın təşkili, stol və stulların qoyulması, darvazanın və tağın düzəldilməsi daxildir. Bilik kafesinin həyətini yaşıllaşdırmaq üçün ting satanlara müraciət edəcəyik.