ჯუმბერ ლეჟავას თავგადასავალი
კამპანიის შინაარსი
პროექტის მიზანია ფართო საზოგადოებას გააცნოს ველო-მოგზაურისა და მსოფლიო გინესის მრავალგზის რეკორდსმენის, ჯუმბერ ლეჟავას ცხოვრება და მოგზაურობა.
პროექტის ფარგლებში გამოიცემა მისი ბიოგრაფიული წიგნი, რომელიც, მეტწილად, დაფუძნებულია მოგზაურობის დროს გაკეთებულ ჩანაწერებზე, წერილებსა და ფოტო- ვიდეო მასალაზე. მიუხედავად ხელნაწერებისა და ფოტო-ვიდეო მასალის შეგროვებისა, მან ვერ შეძლო სიცოცხლის განმავლობაში დაესრულებინა საკუთარ წიგნზე მუშაობა, თუმცა შექმნა ძალიან მნიშნელოვანი არქივი შემდგომი გამოყენებისათვის. წიგნზე მუშაობის დროს დამუშავდა 7,000 გვერდზე მეტი ხელნაწერი და ნაბეჭდი მასალა,რაც საბოლოოდ საზოგადოებას ერთი სათავგადასავლო წიგნის სახით წარედგინება.
როგორც აღინიშნა, წიგნი წარმოაჩენს ჯუმბერ ლეჟავას ველო-მოგზაურობას მსოფლიოს გარშემო თუმცა, მისი მიღწევებისა და რეკორდების დიდი ნაწილი მოგზაურობამდე იქნა დამყარებული, მათ შორის, 1990-1992 წლებში:
- 1 საათი – 5,011 აზიდვა
- 6 საათი – 19,378 აზიდვა
- 12 საათი – 34,955 აზიდვა
- 24 საათი – 44,144 აზიდვა
- 100 დღის განმავლობაში – 1,730,000 აზიდვა
- 1 წლის განმავლობაში – 4,800,000 აზიდვა
- 1 საათი – 2,806 მუცლის პრესის ვარჯიში უწყვეტ რეჟიმში
რაც შეეხება მოგზაურობას, მნიშვნელოვანია იმის გათვალისწინება, რომ მან ეს პროცესი 50 წლის შემდგომ ასაკში დაიწყო, რაც უდიდესი გამოწვევა იყო მისი ფიზიკური და ემოციური მდგომარეობისათვის.
საბოლოოდ, 1993 წელს დაწყებული მოგზაურობა 9 წლის განმავლობაში, 2003 წლის 3 ნოემბრამდე გაგრძელდა. ამ ხნის განმავლობაში, ჯუმბერ ლეჟავამ ველოსიპედით იმოგზაურა დედამიწის ყველა კონტინენტზე, მოიარა 238 ქვეყანა და ორჯერ იყო ანტარქტიდაზე.
წიგნის მეშვეობით მკითხველი კარგად გაეცნობა, ამ საოცარ, ცხოვრებისეულ თავგადასავალს.
სიახლეები
მხარდამჭერები
დატოვე კომენტარი