ჩვენი სივრცე უკეთესი მომავლისთვის

ამბები ჩვენზე

რა არის CROWDFUNDING?

სახალხო დაფინანსება იგივე Crowdfunding პრინციპია, რომელიც ეხმარება ადამიანებს საკუთარი იდეები აქციონ რეალობად, მოიპოვონ საკმარისი დაფინანსება საკუთარი პროექტების და სოციალური ინიციატივების განსახორციელებლად.

სახალხო დაფინანსების (Crowdfunding) მთავარი იდეა ბევრი ადამიანის მიერ, ერთიანი ძალისხმევითა და აქტიური ჩართულობით საერთო პროექტების განხორციელებაა! ქრაუდფანდინგის (სახალხო დაფინანსების) უპირატესობა იმაში მდგომარეობს, რომ დაფინანსების მოპოვება ბანკების, სხვადასხვა ფონდებისა და ბირჟების მონაწილეობის გარეშე შეიძლება. ეს უფრო დემოკრატიული მეთოდია- ონლაინ სივრცეში დიდი რაოდენობის პოტენციურ დამფინანსებელთან გეძლევა საკუთარი იდეის წარდგენის საშუალება.

ქრაუდფანდინგი საშუალებას იძლევა, რაც შეიძლება მეტი ადამიანი დაინტერესდეს თქვენი იდეით, რომელიც სასიკეთო ცვილებას მოუტანს საზოგადოებას. სახალხო დაფინანსების რამდენიმე სახე არსებობს: დონაციაზე დაფუძნებული სახალხო დაფინანსება, რომელიც გულისხმობს შემოწირულობის შეგროვებას მხარდამჭერებისაგან თქვენი პროექტისთვის. წახალისებაზე დაფუძნებული crowdfunding-ს შემთხვევაში, პროექტის ავტორი შემომწირველს სიმბოლური ჯილდოთი უხდის მადლობას. წილზე დაფუძნებული სახალხო დაფინანსება გულისხმობს, რომ შემომწირველები მხარდაჭერის სანაცვლოდ კომპანიის აქციების გარკვეულ პროცენტს იღებენ. და ბოლოს, სესხზე დაფუძნებული დაფინანსება, რომლის დროსაც პროექტის ავტორი ვალდებულებას იღებს, რომ შემოწირულობას დააბრუნებს გარკვეული დროის შემდეგ.

სახალხო დაფინანსების რომელ სახეს აირჩევ შენი პროექტის საჭიროებებზეა დამოკიდებული. თუ გაქვს იდეა, რომელიც გსურს რეალობად აქციო ან გახდე რაიმე ღირებულის ნაწილი და დონაციით გააძლიერო რომელიმე რეგიონი, სახალხო დაფინანსების პლატფორმა სწორედ ამ შესაძლებლობებს იძლევა!
მეტი იდეების კონკურსის შესახებ

გაწუხებს შენი სოფლის ან ქალაქის პრობლემები? გინდა შეცვალო შენი თემის ცხოვრება უკეთესობისკენ?

თუ გაქვს დრო, ენერგია, კრეატივი და იდეა, თუ ხარ ბლოგერი, IT სპეციალისტი, არქიტექტორი, სტუდენტი, მასწავლებელი, ჟურნალისტი, საჯარო მოხელე, მხატვარი, დიზაინერი, მეწარმე თუ უბრალოდ აქტიური მოქალაქე, თუ არ გინდა გულხედაკრეფილი ელოდო, როგორ იცვლება შენი თემის, სოფლის, ქალაქის ქუჩები, უბანი, სკოლა, ბაღი, პარკი და ახალგაზრდების ცხოვრება, მაშინ შენ თვითონ შეცვალე შენი თემის ცხოვრება უკეთესობისკენ!

„ორბელიანის“ იდეების კონკურსი ნაბიჯია ცვლილებებისკენ!

წარმოადგინე, შენი იდეა ჩვენს პლატფორმაზე – რა გინდა შეცვალო შენს თემში/სოფელში/ქალაქში. მონაწილეობის შედეგად კი :
- – შენს იდეას საკონკურსო ჟიური განიხილავს;
- – გამარჯვების შემთხვევაში მიიღებ დაფინანსება შენი იდეისთვის!
- – განავითარებ შენს იდეას დარგის ექსპერტების და თანამოაზრეების დახმარებით;
- – მიიღებ მონაწილეობას ტრენინგებში ადვოკატირებასა და თემის მობილიზებაში და გაიცნობ სხვა აქტივისტებიც;
- – იდეის განხორციელების შემთხვევაში შეგეძლება გაუზიარო წარმატებას სხვა დამწყებ პროექტის ავტორებს!
ეკოლოგია, გამწვანება, ტრანსპორტი და მობილობა, განათლება და

ახალგაზრდების ჩართულობა, ურბანული სივრცის განვითარება თუ კულტურა.

რას ეხება შენი იდეა?

იდეის წარდგენა შეუძლია ყველას, მთელი საქართველოს მასშტაბით, მათ შორის: ინდივიდებს, საინიციტივო ჯგუფებს,სამოქალაქო მოძრაობებსა და აქტივისტებს.

იდეების წარდგენა შესაძლებელია პლატფორმაზე რეგისტრაციის გავლის შემედეგ.

კონკურსის შესახებ მეტი ინფორმაცია შეგიძლიათ მოიძიოთ ჩვენს ფეისბუქ გვერდზე – Orbeliani Meti • ორბელიანი მეტი

დამატებითი ინფორმაციისთვის მოგვწერეთ ფეისბუქზე ან მეილზე – orbelianimeti@gmail.com

კამპანიის შინაარსი

ვინ ვართ ჩვენ?

Ჩვენ ვართ 14 დან 30 წლამდე 50-ზე მეტი ახალგაზრდა. ვცხოვრობთ მარტყოფში, რომელიც სიდიდით მეორეა საქართველოში, ჩვენს სოფელში აქამდე არ არსებობდა არანაირი საზოგადოებრივი ორგანიზაცია. ეს არის

ადგილი, სადაც შეგიძლია განვითარდე ყველანაირი კუთხით ისწავლო კარგი საქმის კეთება და მოუტანო სარგებელი, როგორც შენს სოფელს, ისე დედამიწას.

ჩვენი სივრცე - უკეთესი მომავლისთვის

ჩვენ ვართ ახალგაზრდები, რომლებსაც გვჭირდება პირობები უკეთესი მომავლის შესაქმნელად! წელიწად-ნახევრის წინ, როდესაც ცენტრის კონცეფციაზე ფიქრი დავიწყეთ ვიყავით 2 კაცისგან შემდგარი გუნდი, ახლა კი 50-ზე მეტნი ვართ. მთელი ეს პერიოდი ვმუშაობდით საკუთარი სივრცის გარეშე, კარგ ამინდებში პარკებში, ზამთარში კულტურის სახლში ან სკოლებს ვთხოვდით საკლასო ოთახების დათმობას.

ყოფილა შემთხვევები, როდესაც ვერ გვინახია სივრცე და გათბობის გარეშე სიცივეში ჩაგვიტარებია ტრენინგები თუ შეხვედრები, ხშირად ქარში და წვიმაში გაგვიკეთებია საქმე. ამ ყველაფერს ისიც ემატება ხოლმე, რომ რესურესბის ტრანპორტირება გვიჭირს, მათი წინ და უკან ტარება, ასევე აზიანებს ჩვენს ნივთებსა თუ სამაგიდო თამაშებს. ზოგჯერ კი მძიმე ჩანთების ტარება ამის გამო.

]

მთელი ეს პერიოდი ჩვენი ოცნება იყო საკუთარი სივრცის ქონა, იქ სადაც განვათავსებთ ყველა საჭირო ნივთს გვექნება საკუთარი კომპიუტერი და პრინტერი (აქვე აღსანიშნავია, რომ სოფელში არ არსებობს კომპიუტერული მომსახურება, სადაც შევძლებთ რესურსების ამობეჭდვას) მუნიციპალიტეტის მხარდაჭერით სულ მალე გვექნება გარემონტებული ოთახი, რომელიც გვინდა ახალგაზრდულ ოაზისად ვაქციოთ. ამისათვის გვჭირდება ტექნიკა და ინფრასტრუქტურა რათა ცარიელ კედლებს ფუნქცია შევძინოთ. გვჭირდება: კომპიუტერი, პრინტერი, თაროები, კარადა, პროექტორის ეკრანი და სხვ.

ზემოთ ჩამოთვლილი ტექნიკური აღჭურვილობა და ინფრასტრუქტურა საშუალებას მოგვცემს ჩავატაროთ ისეთი აქტივობები როგორიცაა: ტრენინგები არაფორმალური განათლების მეთოდებით, სამაგიდო თამაშები, ინგლისურის სასაუბრო კლუბი, ფილმის საღამოები და სხვა. ახლა უკვე ჩვენს საკუთარ სივრცეში. Რაც ყველაზე მთავარია ჩვენ კი არ ველოდებით უფროსები როდის დაგეგმავენ ჩვენთვის ღონისძიებებეს, არამედ თავად ვართ აქტივობების ინიციატორები და ორგანიზატორები - აქ, ჩვენ კეთებით ვსწავლობთ.