შექმენი ბიბლიოთეკა ნაბადელი ბავშვებისთვის

ამბები ჩვენზე

რა არის CROWDFUNDING?

სახალხო დაფინანსება იგივე Crowdfunding პრინციპია, რომელიც ეხმარება ადამიანებს საკუთარი იდეები აქციონ რეალობად, მოიპოვონ საკმარისი დაფინანსება საკუთარი პროექტების და სოციალური ინიციატივების განსახორციელებლად.

სახალხო დაფინანსების (Crowdfunding) მთავარი იდეა ბევრი ადამიანის მიერ, ერთიანი ძალისხმევითა და აქტიური ჩართულობით საერთო პროექტების განხორციელებაა! ქრაუდფანდინგის (სახალხო დაფინანსების) უპირატესობა იმაში მდგომარეობს, რომ დაფინანსების მოპოვება ბანკების, სხვადასხვა ფონდებისა და ბირჟების მონაწილეობის გარეშე შეიძლება. ეს უფრო დემოკრატიული მეთოდია- ონლაინ სივრცეში დიდი რაოდენობის პოტენციურ დამფინანსებელთან გეძლევა საკუთარი იდეის წარდგენის საშუალება.

ქრაუდფანდინგი საშუალებას იძლევა, რაც შეიძლება მეტი ადამიანი დაინტერესდეს თქვენი იდეით, რომელიც სასიკეთო ცვილებას მოუტანს საზოგადოებას. სახალხო დაფინანსების რამდენიმე სახე არსებობს: დონაციაზე დაფუძნებული სახალხო დაფინანსება, რომელიც გულისხმობს შემოწირულობის შეგროვებას მხარდამჭერებისაგან თქვენი პროექტისთვის. წახალისებაზე დაფუძნებული crowdfunding-ს შემთხვევაში, პროექტის ავტორი შემომწირველს სიმბოლური ჯილდოთი უხდის მადლობას. წილზე დაფუძნებული სახალხო დაფინანსება გულისხმობს, რომ შემომწირველები მხარდაჭერის სანაცვლოდ კომპანიის აქციების გარკვეულ პროცენტს იღებენ. და ბოლოს, სესხზე დაფუძნებული დაფინანსება, რომლის დროსაც პროექტის ავტორი ვალდებულებას იღებს, რომ შემოწირულობას დააბრუნებს გარკვეული დროის შემდეგ.

სახალხო დაფინანსების რომელ სახეს აირჩევ შენი პროექტის საჭიროებებზეა დამოკიდებული. თუ გაქვს იდეა, რომელიც გსურს რეალობად აქციო ან გახდე რაიმე ღირებულის ნაწილი და დონაციით გააძლიერო რომელიმე რეგიონი, სახალხო დაფინანსების პლატფორმა სწორედ ამ შესაძლებლობებს იძლევა!
მეტი იდეების კონკურსის შესახებ

გაწუხებს შენი სოფლის ან ქალაქის პრობლემები? გინდა შეცვალო შენი თემის ცხოვრება უკეთესობისკენ?

თუ გაქვს დრო, ენერგია, კრეატივი და იდეა, თუ ხარ ბლოგერი, IT სპეციალისტი, არქიტექტორი, სტუდენტი, მასწავლებელი, ჟურნალისტი, საჯარო მოხელე, მხატვარი, დიზაინერი, მეწარმე თუ უბრალოდ აქტიური მოქალაქე, თუ არ გინდა გულხედაკრეფილი ელოდო, როგორ იცვლება შენი თემის, სოფლის, ქალაქის ქუჩები, უბანი, სკოლა, ბაღი, პარკი და ახალგაზრდების ცხოვრება, მაშინ შენ თვითონ შეცვალე შენი თემის ცხოვრება უკეთესობისკენ!

„ორბელიანის“ იდეების კონკურსი ნაბიჯია ცვლილებებისკენ!

წარმოადგინე, შენი იდეა ჩვენს პლატფორმაზე – რა გინდა შეცვალო შენს თემში/სოფელში/ქალაქში. მონაწილეობის შედეგად კი :
- – შენს იდეას საკონკურსო ჟიური განიხილავს;
- – გამარჯვების შემთხვევაში მიიღებ დაფინანსება შენი იდეისთვის!
- – განავითარებ შენს იდეას დარგის ექსპერტების და თანამოაზრეების დახმარებით;
- – მიიღებ მონაწილეობას ტრენინგებში ადვოკატირებასა და თემის მობილიზებაში და გაიცნობ სხვა აქტივისტებიც;
- – იდეის განხორციელების შემთხვევაში შეგეძლება გაუზიარო წარმატებას სხვა დამწყებ პროექტის ავტორებს!
ეკოლოგია, გამწვანება, ტრანსპორტი და მობილობა, განათლება და

ახალგაზრდების ჩართულობა, ურბანული სივრცის განვითარება თუ კულტურა.

რას ეხება შენი იდეა?

იდეის წარდგენა შეუძლია ყველას, მთელი საქართველოს მასშტაბით, მათ შორის: ინდივიდებს, საინიციტივო ჯგუფებს,სამოქალაქო მოძრაობებსა და აქტივისტებს.

იდეების წარდგენა შესაძლებელია პლატფორმაზე რეგისტრაციის გავლის შემედეგ.

კონკურსის შესახებ მეტი ინფორმაცია შეგიძლიათ მოიძიოთ ჩვენს ფეისბუქ გვერდზე – Orbeliani Meti • ორბელიანი მეტი

დამატებითი ინფორმაციისთვის მოგვწერეთ ფეისბუქზე ან მეილზე – orbelianimeti@gmail.com

კამპანიის შინაარსი

ნაბადა ჰქვია ფოთის ყველაზე დიდ უბანს, ყველაფერი ხდება ნაბადაში, მთელი ინდუსტრიული ზონა არის ნაბადას ირგვლივ, თუმცა ეს არ აისახება ნაბადელთა სოციალურ და ეკონომიკურ მდომარეობაზე - ფოთის და შეიძლება ნახევარი საქართველოს ეკონომიკა ნაბადაზე დგას, მაგრამ ნაბადელები მივიწყებული არიან ყველასგან. ჩვენი საინიციატივო ჯგუფის უმეტესობა ნაბადაში ვცხოვრობთ. უბანში არ გვაქვს გზები და გარე განათების ლამპიონები, არც იმდენი ნაგვის ურნაა რამდენიც მოსახლეობას სჭირდება, მაგრამ მაინც გვიყვარს ჩვენი უბანი და გვინდა მის განვითარებაში წვლილი შევიტანოთ. ნაბადა არ არის ადამიანებისთვის. ჩვენ გვინდა შევცვალოთ ეს. ნაბადაში არის სამი საჯარო სკოლა და ერთი საჯარო ბიბლიოთეკა. უბანში ბიბლიოთეკის ისტორია 1950-იანი წლებიდან იწყება, მაშინ ქოხსამკითხველოს სახით არსებობდა. დღევანდელი ბიბლიოთეკა კი 1970-იანი წლებიდან აშენდა. ბიბლიოთეკა ის მნიშვნელოვანი ადგილია, სადაც ფოთელები, სკოლის მოსწავლეები, მასწავლებლები და აბიტურიენტები ხშირად იკრიბებიან, მაგრამ ბიბლიოთეკა მისი მთავარი ფუნქციის შესრულებას ხშირად ვერ ახერხებს. 1987 წლის შემდეგ ნაბადის N3 ბიბლიოთეკაში წიგნსაცავის შევსება არ მომხდარა. ახლა ბიბლიოთეკაში 12 000-მდე წიგნია, მაგრამ ისინი ხმარებისაგან გაცვეთილია. ზოგიერთი წიგნის გადაფურცვლაც კი რისკებთანაა დაკავშირებული მისი სიძველის გამო. თანამედროვე მწერლების და ინგლისურენოვანი წიგნები კი თითქმის არ მოიპოვება. ბიბლიოთეკის გარემოც არ პასუხობს თანამედროვე სტანდარტებს - სამკითხველოში დაგხვდებათ ძველი, მოუხერხებელი ჩალისფერი მაგიდები, კედლებზე კი ძველი თაროები, რომლებიც აუცილებლად საჭიროებენ რეაბილიტაციას. ბიბლიოთეკას არ აქვს რესურსი ეს დამოუკიდებლად გააკეთოს. ჩვენი პროექტის მიზანი იქნება ნაბადელ ბავშვებს ჰქონდეთ მყუდრო და მოსახერხებელი სივრცე ბიბლიოთეკისთვის, ქართული და ინგლისურენოვანი წიგნებით, სამეცნიერო და მხატვრული ლიტერატურით, კომპიუტერით, პრინტერით. პროექტის ფარგლებში განახლდება ძველი თაროები , მოხდება კედლების შეთეთრების სამუშაოები , პერსონალური კომპიუტერის, ერთი პრინტერის, ქართული და ინგლისური წიგნების შეძენა, რაც სარგებელს მოუტანს ჩვენი თემის განვითრებას. ჩვენ გვაქვს ახალგაზრდული საინიციატივო ჯგუფი შფოთი, რის ფარგლებშიც ვცდილობთ ფოთში ადამიანების ცხოვრება იყოს უკეთესი. ნაბადელი ბავშვებისთვის თანამედროვე სივრცე განათლების მისაღებად მიუღწეველი ოცნება არ არის, ერთობლივი ძალისხმევით სრულიად შესაძლებელია.დაუჭირე მხარი ჩვენს იდეას და შექმენი ბიბლიოთეკა ნაბადელი ბავშვებისთვის.