უსაზღვრო საზღვრის მცველები
კამპანიის შინაარსი
სოფლები ზემო ნიქოზი, ქვემო ნიქოზი და ზემო ხვითი ცხინვალიდან სულ რაღაც ერთი კილომეტით არიან დაშორებული. ზემო ნიქოზში მეკლდეურთა კლუბი 2015 წელს დავაარსეთ და დღეს ის საქართველოში ერთ-ერთი წარმატებულია ბავშვთა შორის შეჯიბრებში მონაწილეობის შედეგებით. გვყავს როგორც საქართველოს ჩემპიონები ისე პრიზირები. ჩვენი საცოცი კედელი დგას ღია ცის ქვეშ და ზამთრის პერიოდში თითქმის შეუძლებელი ხდება ვარჯიშების ჩატარება და სამწუხაროდ, თითქმის 3-4 თვის განმავლობაში ბავშვები ვეღარ ახერხებენ ვარჯიშებს. ყოველივე აქედან გამომდინარე, ჩვენი პატარა სპორტსმენების განვითარება და მათი სპორტული წინსვლა შეუსრულებელ ამოცანად რჩება.
მრავალი თხოვნის შედეგად, გორის მერიამ გამოთქვა მზათყოფნა და დაგვპირდა, ქვემო ნიქოზში ერთი შენობის გადმოცემას, რომელსაც ჭირდება, კაპიტალური რემონტი. (მაგ; კედლების გალესვა, იატაკის დასხმა, ფანჯრების ჩასმა და ახალი საცოცი კედლების მოწყობა)
აღსანიშნავია ის ფაქტიც, რომ დღეს ჩვენს კლუბში 30-ი მოზარდი ირიცხება, დარბაზის არსებობის შემთხვევაში კი ეს რიცხვი გაორმაგდება. ასევე მნიშველოვანია ისიც, რომ ჩვენი მეკლდეურთა კლუბი უსასყიდლოდ ემსახურება ყველა მოსწავლეს. 5 წელია ოცნებობენ ეს ბავშვები პატარა დარბაზსა და 15 მეტრიან სისწრაფის საცოც კედელზე. სამწუხაროა, რომ ასეთი რთული რეგიონი, სადაც გაათმაგებული უნდა იყოს ყურადღება როგორც სახელმწიფოს, ისე ბიზნეს სექტორის მხრიდან, მივიწყებული ჰყავს ყველას.
არადა სწორედ, რომ ეს ომის შვილები არიან, ვინც ამ უსაზღვრო საზღვარს იცავენ! „საზღვარს“, რომელიც რუსმა ოკუპანტებმა მართულხლართებით გაავლეს ქართულ მიწაზე.
ამ ბავშვების წარმატება ჩვენი ქვეყნის წარმატებაა და მათი ხელშეწყობა კი – თითოეულის პასუხისმგებლობა.
სიახლეები
მხარდამჭერები
დატოვე კომენტარი