ჩვენი ოცნების კარიბჭე
კამპანიის შინაარსი
110 წლის სკოლა, რომელიც კახეთში, ლაგოდეხის მუნიციპალიტეტის ულამაზეს სოფელ შრომაში მდებარეობს, უკვე საუკუნეზე მეტია სოფლის მომავალზე ზრუნავს და უამრავ წარმატებულ ახალგაზრდას ზრდის თავის Კედლებში. ახლა კი მას ჩვენი, მასწავლებლების, მოსწავლეების და მთელი სოფლის დახმარება სჭირდება.
გარდა იმისა, რომ ჩვენი სკოლა იმსახურებს ლამაზ კარიბჭეს, მისი მობილიზება მნიშვნელოვანია მოსწავლეების უსაფრთხოებისთვის. სკოლის მთავარი შესასვლელი ცენტრალურ მაგისტრალზეა, სადაც ყოველ წუთს ტრანსპორტის ინტენსიური მოძრაობაა, ეს კი საკმაო საფრთხეს უქმნის მოსწავლეთა გადაადგილებას.
ხშირია ავტოსაგზაო შემთხვევები, რასაც სამწუხაროდ, არაერთხელ მსხვერპლიც მოჰყოლია.
ვფიქრობთ, რომ საუკუნოვანი სკოლისთვის, მოსწავლეების უსაფრთხოებისათვის, ჩვენი საჩუქარი ზუსტად რომ დროული იქნება.
დარწმუნებული ვართ, სახალხო დაფინანსებაში ჩვენი სოფლის მოსახლეობა, მშობლები, მასწავლებლები აქტიურად მიიღებენ მონაწილეობას. გვჯერა, მოსახლეობისა და თქვენი ერთობლივი მხარდაჭერით 2023 წელს ღირსეული და დამსახურებული საჩუქრით შევხვდებით ჩვენი სკოლის 110 წლის იუბილეს!
სიახლეები
მხარდამჭერები
დატოვე კომენტარი