გახდი შენი ტვინის არქიტექტორი

ამბები ჩვენზე

რა არის CROWDFUNDING?

სახალხო დაფინანსება იგივე Crowdfunding პრინციპია, რომელიც ეხმარება ადამიანებს საკუთარი იდეები აქციონ რეალობად, მოიპოვონ საკმარისი დაფინანსება საკუთარი პროექტების და სოციალური ინიციატივების განსახორციელებლად.

სახალხო დაფინანსების (Crowdfunding) მთავარი იდეა ბევრი ადამიანის მიერ, ერთიანი ძალისხმევითა და აქტიური ჩართულობით საერთო პროექტების განხორციელებაა! ქრაუდფანდინგის (სახალხო დაფინანსების) უპირატესობა იმაში მდგომარეობს, რომ დაფინანსების მოპოვება ბანკების, სხვადასხვა ფონდებისა და ბირჟების მონაწილეობის გარეშე შეიძლება. ეს უფრო დემოკრატიული მეთოდია- ონლაინ სივრცეში დიდი რაოდენობის პოტენციურ დამფინანსებელთან გეძლევა საკუთარი იდეის წარდგენის საშუალება.

ქრაუდფანდინგი საშუალებას იძლევა, რაც შეიძლება მეტი ადამიანი დაინტერესდეს თქვენი იდეით, რომელიც სასიკეთო ცვილებას მოუტანს საზოგადოებას. სახალხო დაფინანსების რამდენიმე სახე არსებობს: დონაციაზე დაფუძნებული სახალხო დაფინანსება, რომელიც გულისხმობს შემოწირულობის შეგროვებას მხარდამჭერებისაგან თქვენი პროექტისთვის. წახალისებაზე დაფუძნებული crowdfunding-ს შემთხვევაში, პროექტის ავტორი შემომწირველს სიმბოლური ჯილდოთი უხდის მადლობას. წილზე დაფუძნებული სახალხო დაფინანსება გულისხმობს, რომ შემომწირველები მხარდაჭერის სანაცვლოდ კომპანიის აქციების გარკვეულ პროცენტს იღებენ. და ბოლოს, სესხზე დაფუძნებული დაფინანსება, რომლის დროსაც პროექტის ავტორი ვალდებულებას იღებს, რომ შემოწირულობას დააბრუნებს გარკვეული დროის შემდეგ.

სახალხო დაფინანსების რომელ სახეს აირჩევ შენი პროექტის საჭიროებებზეა დამოკიდებული. თუ გაქვს იდეა, რომელიც გსურს რეალობად აქციო ან გახდე რაიმე ღირებულის ნაწილი და დონაციით გააძლიერო რომელიმე რეგიონი, სახალხო დაფინანსების პლატფორმა სწორედ ამ შესაძლებლობებს იძლევა!
მეტი იდეების კონკურსის შესახებ

გაწუხებს შენი სოფლის ან ქალაქის პრობლემები? გინდა შეცვალო შენი თემის ცხოვრება უკეთესობისკენ?

თუ გაქვს დრო, ენერგია, კრეატივი და იდეა, თუ ხარ ბლოგერი, IT სპეციალისტი, არქიტექტორი, სტუდენტი, მასწავლებელი, ჟურნალისტი, საჯარო მოხელე, მხატვარი, დიზაინერი, მეწარმე თუ უბრალოდ აქტიური მოქალაქე, თუ არ გინდა გულხედაკრეფილი ელოდო, როგორ იცვლება შენი თემის, სოფლის, ქალაქის ქუჩები, უბანი, სკოლა, ბაღი, პარკი და ახალგაზრდების ცხოვრება, მაშინ შენ თვითონ შეცვალე შენი თემის ცხოვრება უკეთესობისკენ!

„ორბელიანის“ იდეების კონკურსი ნაბიჯია ცვლილებებისკენ!

წარმოადგინე, შენი იდეა ჩვენს პლატფორმაზე – რა გინდა შეცვალო შენს თემში/სოფელში/ქალაქში. მონაწილეობის შედეგად კი :
- – შენს იდეას საკონკურსო ჟიური განიხილავს;
- – გამარჯვების შემთხვევაში მიიღებ დაფინანსება შენი იდეისთვის!
- – განავითარებ შენს იდეას დარგის ექსპერტების და თანამოაზრეების დახმარებით;
- – მიიღებ მონაწილეობას ტრენინგებში ადვოკატირებასა და თემის მობილიზებაში და გაიცნობ სხვა აქტივისტებიც;
- – იდეის განხორციელების შემთხვევაში შეგეძლება გაუზიარო წარმატებას სხვა დამწყებ პროექტის ავტორებს!
ეკოლოგია, გამწვანება, ტრანსპორტი და მობილობა, განათლება და

ახალგაზრდების ჩართულობა, ურბანული სივრცის განვითარება თუ კულტურა.

რას ეხება შენი იდეა?

იდეის წარდგენა შეუძლია ყველას, მთელი საქართველოს მასშტაბით, მათ შორის: ინდივიდებს, საინიციტივო ჯგუფებს,სამოქალაქო მოძრაობებსა და აქტივისტებს.

იდეების წარდგენა შესაძლებელია პლატფორმაზე რეგისტრაციის გავლის შემედეგ.

კონკურსის შესახებ მეტი ინფორმაცია შეგიძლიათ მოიძიოთ ჩვენს ფეისბუქ გვერდზე – Orbeliani Meti • ორბელიანი მეტი

დამატებითი ინფორმაციისთვის მოგვწერეთ ფეისბუქზე ან მეილზე – orbelianimeti@gmail.com

კამპანიის შინაარსი

გაინტერესებთ, როგორ გავავარჯიშოთ ჩვენი ყურადღების უნარი? გსურთ, ისწავლოთ, როგორია გულისყურით მოსმენა? ან რას ნიშნავს და რა განცდაა სხეულში მოდუნება? მიუხედავად იმისა რომ გარეგნულად ნორმალურად ვფუნქციონირებთ: ვმუშაობთ, ვსწავლობთ, ვერთობით, ახალ ნივთებს ვიძენთ და თითქოს, ყველა დაკისრებულ “მოვალეობას” ვასრულებთ, რეალურად, ადამიანების უმეტესობა გადარჩენის რეჟიმში ვართ. ჩვენი ორგანიზმი ჩვენგან დამოუკიდებლად, ნეიროფიზიოლოგიურ დონეზე, იბრძვის რომ სასიცოცხლო ენერგია გამოიმუშაოს ყოველდღიურად, რაც აფერხებს ორგანიზმის აღდგენით ფუნქციას, სხეული ხანგრძლივად ვარდება დისბალანსის მდგომარეობაში, მატულობს უსიამოვნების და უკმაყოფილების განცდები, და უფრო და უფრო რთულდება ჩვენი გონებრივი შესაძლებლობების ეფექტური და ცნობიერი გამოყენება. ვგრძნობთ გაუცხოების და დაბნეულობის განცდებს. ჩვენი გუნდი აცნობიერებს მსოფლიოში ჭარბი სტრესის არსებობას ბიოლოგიურ, ემოციის, კოგნიტურ, სოციალურ და პროსოციალურ სფეროებში. საქართველოში სიტუაციას კიდევ უფრო ამწვავებს წარსული და ამჟამინდელი კულტურული, ისტორიული, გეოგრაფიული და გარემო ფაქტორების ერთობლიობა. ჩვენი მიზანია, ადამიანებმა ენერგია მიმართონ საკუთარი სხეულისა და გონების შეცნობისა და გამთლიანებისკენ. “გახდი შენი ტვინის არქიტექტორის” კამპანიის ფარგლებში შესაძლებლობა გვეძლევა ერთად შევქმნათ აპლიკაცია, რომელიც შექმნის საყრდენს ბავშვების, ზრდასრულების, მშობლების თუ ნეირომრავალფეროვანი ადამიანების ყოველდღიურობაში. აპლიკაცია დაყოფილი იქნება კატეგორიების მიხედვით, სადაც ნაბიჯ-ნაბიჯ, თანამგრძნობი გზით, მოწოდებული იქნება ქართულენოვანი აუდიო სავარჯიშოები და მედიტაციები. ნეირომეცნიერულ ცოდნასა და პრაქტიკაზე ხელმისაწვდომობით ახალ და ღირებულ გამოცდილებებს მივცემთ ჩვენს გონებას და მონაწილეობას მივიღებთ ტვინის იმგვარ ფორმირებაში, რომელიც აუცილებელი წინაპირობაა ჩვენი კეთილდღეობისთვის. ჩვენ გვინდა, მივწვდეთ რაც შეიძლება მეტ ადამიანს ქალაქსა და რეგიონებში და დავეხმაროთ მათ ყოველდღიური ცხოვრების ხარისხის გაუმჯობესებაში ყურადღების, ბალანსის და თანაგრძნობის გავარჯიშების გზით. #გააფართოვეცნობიერება #გადაეშვიშენსთავგადასავალში #გაამთლიანე