კამპანიის შინაარსი
რატომ კინო? – იმიტომ, რომ ის აყალიბებს ადამიანის მსოფლმხედველობას და არის ძალა, რომელიც მნიშვნელოვან გავლენას ახდენს საზოგადოებაზე და განსაკუთრებით ახალგაზრდებზე.
ჩვენ, გურიაში მომუშავე მობილური ახალგაზრდული მუშაკები, საქმიანობისას მუდამ ვაწყდებთ ახალგაზრდებისგან მოთხოვნას, რომ მათ სოფელში/თემში მოეწყოს ფილმების ჩვენება და განხილვა. სამწუხაროდ, არც მუნიციპალიტეტების ცენტრში, არამც თუ სოფელში/თემში, არ არსებობს ფუნქციონირებადი შენობები, სადაც შესაძლებელი იქნება ასეთი კინოსეანსების მოწყობა.
კამპანიის დახმარებით, გვინდა მოვაწყოთ სათანადო ტექნიკით და სხვა საჭირო რესურსით აღჭურვილი მობილური კინობასი, რომლის მეშვეობითაც, გურიის სოფლებში, ვაჩვენებთ ფილმებს ღია ცის ქვეშ ან/და ნებისმიერ შენობაში.
და რას გააკეთებდით 5 ან 10 ლარად თქვენ? – ალბათ დაპატიჟებდით მეგობარს ნაყინზე, დალევდით კოკა-კოლას, მიირთმევდით პოპკორნს – იგივე თანხით თქვენი შემოწირულობით ასევე შეგიძლიათ გურული ბავშვების ყოველდღიურობას უფრო მეტად საინტერესოს და მიმზიდველი გახადოთ.
ამიტომ, შემოგვიერთდით!
გახდით მნიშვნელოვანი ცვლილებების თანამონაწილე გურიაში და აჩუქე კინო გურულ ბავშვებს!
Kahaber Lomadze
ვარ "სტუდენტურ-ახალგაზრდული სათათბიროს" (www.syc.ge) დამფუძნებელი, ახალგაზრდულ სფეროში 20 წელზე მეტია ვმუშაობ და თავი სხვა სამსახურში არც წარმომიდგენია. ჩემთვის ძალიან დიდი მოტივაცია და ენერგიის წყაროა ახალგაზრდებთან მუშაობა და მათი პრობლემების მოგვარებით მიღებული სიხარული. მიუხედავად ასაკისა :-)
გავბედე და გავიარე ახალგაზრდული მუშაკის სასერტიფიკატო პროგრამა, რაც ჩემი მეგობრების და კოლეგების ძალიან დიდი მხარდაჭერით მოხდა - ბევრი არიან და მათ ჩამოთვლას არ ეყოფა ადგილი. ძალიან კარგი ადამიანის რჩევით მივიღე მონაწილეობა კონკურსში და გავხდი "წლის ახალგაზრდული მუშაკი 2021". ვარ მობილური ახალგაზდული მუშაკი და პროექტის "უნარები წარმატებისთვის" (Skills For Success) ფარგლებში ვმუშაობ ჩოხატაურის მუნიციპალიტეტში.
პარტნიორ ორგანიზაციასთან ერთად დავაფუძნეთ "ღია სივრცე" (www.facebook.com/OpenSpaceOzurgeti) და ასევე ძალიან კარგი ადამიანების მხარდაჭერით ვაფართოვებთ მას და სულ მალე ოზურგეთში სრულად ადაპტირებული და განახლებული სივრცე ექნება ახალგაზრდებს.
მობილური კონოთეატრის იდეა უკვე დიდი ხანია ტრიალდებდა ორგანიაციაში და ის, რომ ეს საჭიროა, განამტკიცა ჩვენმა საქმიანობამ, როგორც მობილური ახალგაზრდული მუშაკებისა, რომლებიც საქართველოს სხვადასხვა რეგიონში ვმუშაობთ. მობილური კინოთეატრი ხელმისაწვდომი იქნება გურიის ახალგაზრდებისთვის და თავიანთ საქმიაობაში გამოიყენებენ გურიის რეგიონში მომუშავე ახალგაზრდული მუშაკები:
ლანჩხუთის მუნიციპალიტეტში - ქეთევან ებრალიძე და თეო სადრაძე, ოზურგეთის მუნიციპალიტეტში - ქეთი კუჭუხიძე და აკაკი ჩავლეშვილი, ჩოხატაურის მუციპალიტეტში კი მარიამ ჩხიკვაძე და კახაბერ ლომაძე.
იდეის ავტორი
დატოვე კომენტარი