არემარე - ეკომეგობრული სივრცე

ამბები ჩვენზე

რა არის CROWDFUNDING?

სახალხო დაფინანსება იგივე Crowdfunding პრინციპია, რომელიც ეხმარება ადამიანებს საკუთარი იდეები აქციონ რეალობად, მოიპოვონ საკმარისი დაფინანსება საკუთარი პროექტების და სოციალური ინიციატივების განსახორციელებლად.

სახალხო დაფინანსების (Crowdfunding) მთავარი იდეა ბევრი ადამიანის მიერ, ერთიანი ძალისხმევითა და აქტიური ჩართულობით საერთო პროექტების განხორციელებაა! ქრაუდფანდინგის (სახალხო დაფინანსების) უპირატესობა იმაში მდგომარეობს, რომ დაფინანსების მოპოვება ბანკების, სხვადასხვა ფონდებისა და ბირჟების მონაწილეობის გარეშე შეიძლება. ეს უფრო დემოკრატიული მეთოდია- ონლაინ სივრცეში დიდი რაოდენობის პოტენციურ დამფინანსებელთან გეძლევა საკუთარი იდეის წარდგენის საშუალება.

ქრაუდფანდინგი საშუალებას იძლევა, რაც შეიძლება მეტი ადამიანი დაინტერესდეს თქვენი იდეით, რომელიც სასიკეთო ცვილებას მოუტანს საზოგადოებას. სახალხო დაფინანსების რამდენიმე სახე არსებობს: დონაციაზე დაფუძნებული სახალხო დაფინანსება, რომელიც გულისხმობს შემოწირულობის შეგროვებას მხარდამჭერებისაგან თქვენი პროექტისთვის. წახალისებაზე დაფუძნებული crowdfunding-ს შემთხვევაში, პროექტის ავტორი შემომწირველს სიმბოლური ჯილდოთი უხდის მადლობას. წილზე დაფუძნებული სახალხო დაფინანსება გულისხმობს, რომ შემომწირველები მხარდაჭერის სანაცვლოდ კომპანიის აქციების გარკვეულ პროცენტს იღებენ. და ბოლოს, სესხზე დაფუძნებული დაფინანსება, რომლის დროსაც პროექტის ავტორი ვალდებულებას იღებს, რომ შემოწირულობას დააბრუნებს გარკვეული დროის შემდეგ.

სახალხო დაფინანსების რომელ სახეს აირჩევ შენი პროექტის საჭიროებებზეა დამოკიდებული. თუ გაქვს იდეა, რომელიც გსურს რეალობად აქციო ან გახდე რაიმე ღირებულის ნაწილი და დონაციით გააძლიერო რომელიმე რეგიონი, სახალხო დაფინანსების პლატფორმა სწორედ ამ შესაძლებლობებს იძლევა!
მეტი იდეების კონკურსის შესახებ

გაწუხებს შენი სოფლის ან ქალაქის პრობლემები? გინდა შეცვალო შენი თემის ცხოვრება უკეთესობისკენ?

თუ გაქვს დრო, ენერგია, კრეატივი და იდეა, თუ ხარ ბლოგერი, IT სპეციალისტი, არქიტექტორი, სტუდენტი, მასწავლებელი, ჟურნალისტი, საჯარო მოხელე, მხატვარი, დიზაინერი, მეწარმე თუ უბრალოდ აქტიური მოქალაქე, თუ არ გინდა გულხედაკრეფილი ელოდო, როგორ იცვლება შენი თემის, სოფლის, ქალაქის ქუჩები, უბანი, სკოლა, ბაღი, პარკი და ახალგაზრდების ცხოვრება, მაშინ შენ თვითონ შეცვალე შენი თემის ცხოვრება უკეთესობისკენ!

„ორბელიანის“ იდეების კონკურსი ნაბიჯია ცვლილებებისკენ!

წარმოადგინე, შენი იდეა ჩვენს პლატფორმაზე – რა გინდა შეცვალო შენს თემში/სოფელში/ქალაქში. მონაწილეობის შედეგად კი :
- – შენს იდეას საკონკურსო ჟიური განიხილავს;
- – გამარჯვების შემთხვევაში მიიღებ დაფინანსება შენი იდეისთვის!
- – განავითარებ შენს იდეას დარგის ექსპერტების და თანამოაზრეების დახმარებით;
- – მიიღებ მონაწილეობას ტრენინგებში ადვოკატირებასა და თემის მობილიზებაში და გაიცნობ სხვა აქტივისტებიც;
- – იდეის განხორციელების შემთხვევაში შეგეძლება გაუზიარო წარმატებას სხვა დამწყებ პროექტის ავტორებს!
ეკოლოგია, გამწვანება, ტრანსპორტი და მობილობა, განათლება და

ახალგაზრდების ჩართულობა, ურბანული სივრცის განვითარება თუ კულტურა.

რას ეხება შენი იდეა?

იდეის წარდგენა შეუძლია ყველას, მთელი საქართველოს მასშტაბით, მათ შორის: ინდივიდებს, საინიციტივო ჯგუფებს,სამოქალაქო მოძრაობებსა და აქტივისტებს.

იდეების წარდგენა შესაძლებელია პლატფორმაზე რეგისტრაციის გავლის შემედეგ.

კონკურსის შესახებ მეტი ინფორმაცია შეგიძლიათ მოიძიოთ ჩვენს ფეისბუქ გვერდზე – Orbeliani Meti • ორბელიანი მეტი

დამატებითი ინფორმაციისთვის მოგვწერეთ ფეისბუქზე ან მეილზე – orbelianimeti@gmail.com

კამპანიის შინაარსი

“რომ დავბერდები, აუცილებლად სოფელში ვიცხოვრებ, სიმშვიდეში”

ბავშვობის ზაფხულების, სოფელში გატარებული ბედნიერი წუთების გამოძახილი იყო ეს ფიქრი, ჩემი და ჩემს ირგვლივ მყოფების ყველაზე ხშირი ფრაზა, ვიდრე არ დავუშვი, რომ შეიძლებოდა ეს ჰარმონია დაბერებამდე შემექმნა. შემექმნა საკუთარი ხელითა და ძალისხმევით, შემდეგ კი ეს “ჩემი” სხვებისთვისაც გამეზიარებინა. ამ მოტივაციით, 4 წლის წინ, 26 წლის ასაკში სოფელში გადავცხოვრდი. მიწაზე, სადაც მხოლოდ მიტოვებული ხეები და ერთი ჭა იყო. არა ჭერი, არა სახლი, არა თბილი წყალი, არა შუქი და რაც მთავარია, არანაირი გამოცდილება; არც ადგილი, ამ გამოცდილების მისაღებად. ერთადერთი, რაც ნამდვილად ვიცოდი, იყო ის, რომ უნდა დავკვირვებოდი, მესწავლა და მემოქმედა ბუნებასთან თანამშრომლობით და არა მასთან ბრძოლით. სწორედ ამ დაკვირვებითა და თანაშრომლობით მოვიდა ჩემთან ეკომეგობრული ცხოვრების წესი.

საიდან დავიწყოთ?

არის თვითკმარობა შესაძლებელი? არის ცხოვრების ეკომეგობრული წესი მდგრადი და ფუნქციური? არსებობს თუ არა ბუნებასთან თანამშრომლობის და, შესაბამისად, ადამიანის შრომის და ჩარევის საჭიროების შემცირების გზები? შესაძლებელია, რომ თუნდაც ქალაქის პირობებში, ეკომეგობრულად ვიცხოვროთ? “არემარეს” შექმნა რომ დავიწყე, ამ კითხვებზე პასუხის მიღების ერთადერთი გზა პრაქტიკით, ამ ყველაფრის საკუთარი ხელითა და ძალისხმევით კეთება აღმოჩნდა. ახლა პასუხები, შედეგები და წარმატება უკვე სახეზეა. და ეს არა მხოლოდ ჩემთვის: საუკეთესო ამბავი ამაში არის ის, რომ ახლა შესაძლებელია, “არემარე” იყოს ამ ცოდნის და პრაქტიკის გამავრცელებელი, სადემონსტრაციო და გამოცდილების მიღების ადგილი, სოციალური ეკომეგობრული სივრცე სადაც განტვირთვა და სწავლა ერთდროულად იქნება შესაძლებელი.

სოციალური სივრცე - demo plot

“არემარეს”ლოკაცია, თბილისიდან 30 წუთში, მშვიდი ეზო და ჩემს მიერ მიღებული გამოცდილება, არის საუკეთესო ნაზავი საიმისოდ, რომ ეს იყოს მულტიფუნქციური სოციალური სივრცე და ეკომეგობრული ცხოვრების წესის სადემონსტრაციო ნაკვეთი. გასულ წლებში აქ ტარდებოდა ვორქშოფები, გასართობ-შემეცნებითი ივენთები და ეწყობოდა საბავშვო ბანაკები. გაზაფხულიდან ვგეგმავთ რეგულარულ შემეცნებით აქტივობებს, სოციალურ ივენთებს, მასტერკლასებს და ვორქშოფებს სხვადასხვა ასაკობრივი ჯგუფებისთვის, ეკოთერაპიის დღეებს, საბავშვო საკვირაო სკოლასა და ეკო ბანაკებს. ამ აქტივობებისთვის ფიზიკური სივრცე მზად არის, თუმცა, მეტი ეფექტიანობისა და შედეგიანობისთვის, საჭიროა მისი მცირე დანადგარებითა და ტექნიკით აღჭურვა - ხელსაწყოები ვორქშოფებისთვის, ბარისა და სამზარეულოს მცირე დანადგარები და საკემპინგე აღჭურვილობა ბანაკისთვის. ამ აქტივობების განხორციელების შედეგად, რეგენერაციული მიდგომების და გარემოსდაცვითი ცნობიერების პერსპექტივის ჩვენს ყოველდღიურობასთან ინკორპორირებით, მჯერა, რომ შევძლებთ ვიზრუნოთ როგორც ბუნებრივი გარემოს შენარჩუნებასა და გაუმჯობესებაზე, ასევე ადამიანების და, განსაკუთრებით, მომავალი თაობის ფიზიკურ და ემოციურ-მენტალურ სიჯანსაღეზე.

ჩემი უმთავრესი მამოძრავებელიც ეს არის: რომ ბალანსი, რომელიც სიმშვიდის ძირითად ხაზად გასდევს ჩემს ცხოვრებას, როგორც ჰარმონიული ცხოვრების შესაძლებლობა გავუზიარო სხვებს და, განსაკუთრებით, ბავშვებს.